رزگاربوويێن ئێزدى دێ دوو مليۆن ديناران وهرگرن
باسنيوز:
بە گوتەی بەڕێوەبەری گشتیی کاروباری ئێزدیان لە وەزارەتی ئەوقاف و کاروباری ئایینیی هەرێمی کوردستان، ئاشکرای کرد، بڕیار دراوە هەر ڕزگاربوویەکی دەستی تیرۆریستانی داعش بڕی دوو ملیۆن دینار هاوکاری بکرێن.
لەمبارەوە خەیری بۆزانی، بەڕیوەبەری گشتیی کاروباری ئێزدیان لە وەزارەتی ئەوقاف، بە (باسنیوز)ی ڕاگەیاند: “بڕیاری ڕازیبوونی دابەشکردنی هاوکاریی مادی، گەیشتووەتە دەستمان و ئەم یارمەتییە مادییەش پاش هەوڵ و ماندووبوونێکی زۆر جێبەجێ کراوە کە لەلایەن وەزارەتی کۆچ و کۆچبەرانی عێراق بە هاوکاریی وەزارەتی ناوخۆی حکوومەتی هەرێمی کوردستان، بە یارمەتیی بەڕێوەبەرایەتیی گشتیی کاروباری ئێزدیان و نووسینگەی کاروباری ڕزگارکراوانی ئێزدی، بڕیار دراوە هەر ڕزگاربوویەکی ئێزدیی دەستی تیرۆریستانی داعش، بڕی دوو ملیۆن دینار هاوکاریی بکرێت”.
ئاماژەی بەوەش کرد: “هەیا ئێستا بە پشتیوانیی لایەن و دامودەزگا پەیوەندیدارەکانی حکوومەتی هەرێمی کوردستان زیاتر لە سێ هەزار و 260 کەس لەدەستی تیرۆریستانی داعش ڕزگار کراون و هێشتا زیاتر لە سێ هەزار کەسی دیکەش لەژێر دەستی داعشدا ماوەن”.
تُتاح هذه الصورة أيضا في: کوردی