پارێزگهرێ بهنكا ناڤهنديا عيراقێ:مووچێ فهرمانبهران يێ ل ههولێرێ
ئهڤرۆنيوز:
پارێزگهرێ بهنكا ناڤهنديا عيراقێ دوهى گههشته ههولێرێ وئهڤرۆ راگههاند، پارێ مووچێ فهرمانبهران يێ ل لقێ بهنكا ناڤهنديا عيراقێ ل ههولێرێ وئهو چاڤهرێ فهرمانا سهرۆك وهزيرێن عيراقێ دكهن بۆ بهلاڤكرنا وى موچهى.
عهلى عهلاق، پارێزگهرێ بهنكا ناڤهنديا عيراقێ دكۆنگرهكێ رۆژنامهڤانى دا ل ههولێرێ گۆت” لقهكێ بهنكا ناڤهنديا عيراقى يێ ل ههولێرێ ههى كو ب شێوهكێ ئاسايى پاره تێدا دهێته دانان”.
عهلاق زێدهتر گۆت” لقێ ههولێرێ يێ بهنكا ناڤهنديا عيراقى يێ بهرههڤه وپاره يێ بۆ هاتيه هنارتن، ههر دهمێ ل وهزارهتا دارايى يا عيراقێ ل بن فهرمانا سهرۆك وهزيرێن عيراقێ بريار هاته دان، پاره يێ ل دهف وێ بهنكێ ههين ودشێت مووچێ فهرمانبهران بدهت”.
ئاشكراكر ژى” تنێ فهرمانا خهرجكرنا پارهى يێ ماى وئهو پارێ دوێ بهنكێ دا ههى دشيان دايه بۆ ههموو كاران بهێته بكارئينان”.
عهلى عهلاق كو ب سهرۆكاتيا شاندهكێ حوكمهتا عيراقێ ل ههولێرێ يه، ل دۆر كارێن شاندى گۆت” مه كۆمبوون يا ههى ل گهل وهزارهتا دارايى يا ههرێما كوردستانێ ل دۆر ههماههنگيكرنێ سهبارهت باجێ وباجا بهنكى تاكو دو جۆر باج وهرگرتن دناڤبهرا بهغدا وههولێرێ نهبيت، ئهڤه ژى كارى بۆ كێمكرنا كێشه وگرفتان دكهت وكێماسيان ژى چاره دكهت”.
تُتاح هذه الصورة أيضا في: کوردی