ژبەر بێدەنگبوونا دونیایێ بەرامبەر عەفرینێ خۆنیشاندان هاتنە ئەنجام دان

ژبەر بێدەنگبوونا دونیایێ بەرامبەر عەفرینێ خۆنیشاندان هاتنە ئەنجام دان
عەفرین-KDP.info-

ئەڤرۆ ١١ـێ ئادارا ٢٠١٨ـێ ل بەرامبەر بێدەنگبوونا دونیایێ بەرامبەر پرسا عەفرینێ تەڤاهیا رۆژئاڤایی کوردستانێ خۆنیشاندان و پشتەڤانی هاتنە ئەنجام دان.

سلێمان شێخۆ، ئێک ژ رێکخەرێن وان خۆنیشاندەران بوو د داخوایانیەکا تایبەت دا بۆ ماڵپەرێ فەرمیی یێ پارتی دیموکراتی کوردستان راگەهاند، ب هەزاران کەسان ئەڤرۆ ل باژارێ قامشلۆ چۆنە بەرامبەر بارەگایی نەتەوەیێن یەکگرتی ل قامشلۆ و خۆنیشاندان ئەنجام دان .

بێدەنگیا جیهانێ

ناڤهاتی ئەو یەکە ژی دا زانین، داخوازیێن خەلکێ ئەو بوون کو ئەڤ شەڕی نها ل عەفرینێ بهێتە راوەستاندن چونکی هەیا نها جیهان بێدەنگ بوویە ل بەرامبەر ڤێ پرسێ.

هەر دڤی بیاڤی ژی دا، سلێمان عەرەب، نوێنەرێ پارتیا یەکێتیا دیموکرات(پەیەدە)، د داخویانیەکێ دا بۆ ماڵپەرێ فەرمیی یێ پارتی دیموکراتی کوردستان گۆت:” هەیا نها ل سەر چەند بەرژەوەندییەکا جیهانێ خۆ بێدەنگکریە ل بەرامبەر پرسا عەفرینێ بەلێ بەرخودانا سەردەم یا عەفرینێ جیهانێ هەموو دونیا مەندەهۆش کریە و بەردەوامە.

عەفرین لە مەترسی دایە

دوهی ، ئیلهام ئەحمەد، هەڤسەرۆکا ئەنجوومەنا سوریا دیموکرات بانگ ل هەموو کوردان کربوو پشتەڤانیا بەرخودانا عەفرینێ بکەن چونکی عەفرین نها د مەترسیێ دایە.

ژ هەردوو ئالیان ڤە مەدیایێن نزیک یەکینەیێن پاراستنا گەل یەپەگێ داینە دیارکرن و کو هێزەکا هەری مەزن یا هێزێن سوریا دیموکرات خۆ بەرهەڤکرینە بۆ بەرسڤدانا هەموو ئێرشێن تورکیا، ئەڤە ژی پشتی وێ یەکێ دئێت کو رۆژانە لێدوانێن رایەدارێن تورکیا توندتر دبن.

رادەست کرنا عەفرینێ مەحاڵە

هندەک ئالی و لایەنێن دناڤا سوریا ژی ئەو یەکە دیارکرینە ب مەرەما ڕاوەستیانا شەڕی گەرەکە هندەک بەشێن سنووری بهێنە رادەستکرن و ئێدی خوین نەهێتە رشتن چونکی شەڕ د بەرژەوەندیا چو ئالیان دانینە هەر پێدڤی ب ڤێ یەکێ پەیڤدارێ یەکنەیێن پاراستنا گەل (یەپەگێ) گۆت:” بەرخودانا سەردەم بەردەوامە و ئەڤ پێشنیارە ب هەموو شیوەیان هاتیە رەتکرن.

نوری مەحموود، بۆ ماڵپەرێ فەرمیی پارتی دیموکراتی کوردستان راگەهاند، گەلێ مە ژ بۆ ڤێ ئاخێ خۆ دایە کوشتن و ب چ رەنگان ئەم ئاخا خۆ رادەستی چ کەسان ناکەین و هەتا مابین دێ بەرەڤانیێ ژ ڤێ ئاخێ کەین.

هێزێن تورکیا ب هەڤکاریا سوپایێ سوریا ئازاد ل ٢٠ کانوونا دووێ ٢٠١٨ ئۆپەراسیۆنەکا لەشکەری لەهەمبەری باژارێ عەفرێ پێکئینان .

تُتاح هذه الصورة أيضا في: کوردی