پهنجهشێر چاوا دهێته مرۆڤى و چاوا دێ خۆ پارێزین ؟
نوش نیوز:
پهنجهشێر ئهو نهخوشیا گران و مهترسیداره پتریا كهسێن بوینه ههلگرێن ئهڤێ نهخوشیێ ژیانا خوه ژ دهست دایه و نوژدارهك بو نوش نیوز بهحسێ ئهڤێ نهخوشیێ دكهت.
د. چهكدار ئهحمهد داود تایبهتمهندێ نهخوشیێن پهنجهشێرێ بو نوش نیوز دا دیاركرن: پهنجهشێر شوینبونا هندهك خانێن جهستهیێ لهشێ مرۆڤى یه د جههكێ د اكو ب رهنگهكێ نه سرۆشتى رۆژ بو رۆژێ مهزن دبیت و ههتا كو ئهو خانهیه (گرێكهكێ) ل وى جهى دروست دكهن و پشتى هنگى دهمارێن خوینێ د چنه وێ گرێكێ و جهێ خو دروست دكهن و پهنجهشێر ب گشتى د ژیێ (50) سالیێ و سهردا د گریت .
تایبهتمهندێ نهخوشیێن پهنجهشێرێ گوت ژى: پهنجهشێر ب گشتى گهلهك جورن لێ نها دا دوو جورێن سهرهكى ههنه و د بهربهلاڤن كو د بێژنێ (پهنجهشێرا هشك وهك ، پهنجهشێرا سینگى یان یا قولونێ ) و پهنجهشێرا خوینێ ههیه و پهنجهشێرا گرێكا پتر ژ (70) جوران پێك دهێت و پهنجهشێرا خوینێ ژى ژ چهندین جوران پێك دهێـت و دیاركر:ل سهر ئاستێ رهگهزێ (مێ) ئانكو ئافرهتان ، پهنجهشێرا (مهمكى ) و پهنجهشێرا (ههناسێ) پتر ژ ههمو پهنجهشێرێن دیتر د بهربهلاڤن .
د.چهكدار ئهحمهد داود تایبهتمهندێ نهخوشیێن پهنجهشێرێ ئاماژه ب وێ چهندێ ژى دا: ل سهر ئاستێ زهلامان ، پهنجهشێرا (ههناسێ و پرۆستاتان و قولونێ) یا بهربهلاڤه لێ ب گشتى ل سهرانسهرى جهیانێ پهنجهشێرا (پیستى) یه و ل نك مه ل كوردستانێ ئهڤ پهنجهشێره ژ ههمویان كێمتر هاتیه توماركرن و گوت: ههتا نوكه ل سهرانسهرى جیهانێ ئهگهرێ دروستبونا نهخوشیا پهنجهشێرێ نههاتیه دیاركرن لێ ڤهكولین دیاردكهن چهند ئهگهر ههنه هاریكارن بو هاتنا ئهڤێ نهخوشیێ و ژ وان ئهگهران ژى: خارنا نه ساخلهم ژ لایێ مرۆڤى ڤه بهێته خارن ب تایبهتى خارنێن مینا (مهعلهباتان) ب تایبهت ئهو خارنێن بو دهمهكێ درێژ د میننه سهلاجان دا و بهرادان دا د ئامیرێن ساركرنێ دا و ئهگهرێ دووێ : ڤهخارنا مهى و كێشانا جگارێ و نهرگیلێ هوكارن بو هاتنا نهخوشیا پهنجهشێرێ چونكه جگاره و نهرگیله دبنه ئهگهر پهنجهشێرا ههناسێ دروست بیت و ئهگهرهكێ دیتر كو : وهرزش نههێته ئهنجام دان و ئهگهرهكێ دیتر كو كهسهكێ گهلهك تیشك كێشابن یان بهردهوام نێزیكى تیشكێن مهزن و كاریگهر بیت دبنه ئهگهرێ هاتنا نهخوشیا پهنجهشێرێ یان ژى ژ جیناتا كو گهلهك جاران رویدانه كهسهكێ ژ نێزیكى خێزانێ نهخوشیا پهنجهشێرێ لێ هاتیه ڤهگوهاستن یان ژى گهلهك جاران ژن هندهك دهرمانێن هورموناتێن ژ دهرڤهى دخوت و دبیته ئهگهر بو هاتنا نهخوشیا پهنجهشێرێ و ئهڤ ئهگهره ههر دهمێ مرۆڤى خوه ژێ دویر كر دێ نهخوشیا پهنجهشێرێ ژ مرۆڤى یا دویر بیت و خارنا خهزرهواتى مفایهكێ مهزن ههیه كو مرۆڤ یێ ساخلهم بیت ژ نهخوشیا پهنجهشێرێ و فهره مرۆڤ بهردهوام بو خو پشكنینان بكهت دا كو خودێ نهكهت ئهگهر نهخوشیهكا هوسان پهیدا ب بیت مرۆڤ زى كونترولێ ل سهر بكهت .
تُتاح هذه الصورة أيضا في: کوردی