بنگەهێ لالش تایێ بەحزانێ ئەندازیار”خێری كدی” خەلاتكر
تۆرا لالش یا راگەهاندنێ
وەك رێزلێنان بۆ پێكۆلێن مەزن یێن خلمەتكاران بۆ خزمەتكرنا دەڤەرێ و ب تایبەت دووبارە ئاڤاكرنا مەزارگەهان،بنگەهێ لالش تایێ بەحزانێ ئەندازیار”خێری كدی”ب باوەرناما رێزلێنانێ و ئارمێ لالش خەلاتكر.
د رێزلێنانێ دا بەرێز”رەعەد تارق”بەرپرسێ بنگەهێ لالش تایێ بەحزانێ ئاماژە دا پێكۆلێن خلمەتكاران و ئەندازیار “خێری كدی” و گۆت:”ب راسپادرێن بەرێز”شێخ شامۆ”سەرۆكێ دەستەیا بلندا بنگەهێ لالش مە وەكو بنگەهێ لالش تایێ بەحزانێ ئیرۆ ئەندازیار خەلاتكر ژبەركو پێكۆلێن وی بۆ سەرپەرشتیكرن و دووڤچوونێ و كاركرن دبەرچاڤن بۆ دووبارە ئاڤەدانكرنا مەزارگەهێن ئایینی یێن ئێزدیان ل بەحزانێ و باشیكێ،ئەم پەسنا هەموویان بێ جوداهی دكەین بۆ زڤرینا ژیانێ بۆ دەڤەرێ پشتی سالێن دەربەدەری و ئاوارەبوونێ”.
ژبال خۆڤە بەرێز” خێری كدی”پەسنا پێكۆلێن بنگەهێ لالش تایێ بەحزانێ كر بۆ پشتەڤانیا رەوشەنبیریا ئێزدیا و ڤەگوهاستنا قوتابیان و سەكنین لگەل هەموو دۆزێن ئێزدیان،تەكەزكر كو دووبارە ئاڤەدانكرنا مەزارگەهێن ئایینی پالدەر و هاندەرەك بوو بۆ زڤرینا خەلكێ دەڤەرێ.
تُتاح هذه الصورة أيضا في: کوردی