حكوومەتا عێراقێ بەرێ ئاوارێن شنگالێ ددەتە ژیانەكا رەش و تاری
سەردار داود
حكوومەتا عێراقێ بەرێ مە ددەتە ژیانەكا رەش و تاری و دڤێت مە دوربكە ژ دەڤەرێن مە وئەڤ حكوومەت بوویە ئەگەرێ دەربەدەریا مە بەرەف ولاتێن بیانی،هیڤی و ئارمانجێن وان شنگال بێتە چۆلكرن و ئەو كەسێن ئەم كوشتین وكچێن مە گرتین و مالێ مە تالانكرین بیننە جی و وارێن مە و جارەكا دی دەست ب تەعریبێ بكن وەكو رژێما گۆر بگۆر.
ئەڤ تشت نائێتە قەبوولكرن و پتر دبتە ئەگەرێ بلندبوونا هزرەكا نەتەوی لجەم هەر كەسەكی شنگال و پتر ب ئاخا خۆڤە دئێتە گرێدان،پشتی ڤان هەموو سالێن تەعریبكرن یاكو ل كوردستانێ و ل سەردەمێ بەعسا شۆڤین و سەدامێ گۆر بگۆڕ هاتیەكرن،ئیرۆكە تەعریبكرن یا بوویە شێوازەكی نوو،تەعریبكرنا مرۆڤ بزاڤا گهۆرینا دیمۆگرافیایا و نیشتمان ددەن ل شنگالا مە بەرخۆدانیا سەدێن سالا و هەزاران جانگۆریا وەكو هەم دەڤەرێن كوردستانێ وێت هاتینە ئەنفال جینۆساید و كیمیاباران كرن.
پشتی ڤێ پێشكەفتنا دونیایێ جارەكا دی ل سالا(2014)فەرمانك بناڤێ دەولەتا ئیسلامێ هاتە سەر شنگالێ و جیهانێ هەموویێ زانی چ هاتە ئەنجام دان، دەمێ سەرۆك مەسعود بارزانی ب رژدی و ئاشكرایی بۆ جیهانێ دیاركری كو ” ب دەولەتبوون ” مافەكی سروشتی و رەواییێ كوردستانیانە، لێ مخابن هەموو جیهان بێ دەنگ بوو،تورك وفارس وئەرەب جارەكا دی بوونە رێگر بەرامبەر دەولەتبوونا كوردستانێ.
تُتاح هذه الصورة أيضا في: کوردی