هیومهن رایتس وۆچ: رژێم رێ نادهت ئاوارێن عهفرینێ بچنه دهڤهرێن وێ
WAAR-دهۆك:
رێكخستنا هیومهن رایتس وۆچ راگههاند، رژێما سووریێ رێ ل هندهك ژ سڤیلێن عهفرینێ دگریت كو ئاواره ببنه دهڤهرێن بن كۆنترۆلا وێ و ئهو سڤیل د رهوشهكا خراب دانه.
هیومهن رایتس وۆچ دیار كر كو ئهو ئاوارێن رژێم رێ لێ دگریت ژ سوپایێ ئازادێ سووریێ و سوپایێ توركیا درهڤن و نها ل هندهك ناوچا ئاسێ مانه خوارن و ڤهخوارن و پێدڤیێن نۆشداری بۆ وان گهلهك سنۆردارن، پێدڤییه رژێم ئازادییا هاتنووچوونێ و گههاندنا هاریكارییان بۆ وان سڤیلان خۆش بكهت.
ههروهسا هیومهن رایتس وۆچ دوپات كر كو وێ بهلگه ههنه گرۆپێن چهكدار یێن بۆ توركیا كاردكهن ل باژارێ عهفرینێ و گوندێن دهردۆر مال و حالێ سڤیلان تالان دكهن و ژناڤ دبهن.
ل گۆری رایتس وۆچ رهوشا مرۆڤی یا سڤیلێن ژ عهفرینێ رهڤی گهلهك خرابه لێ رهوشا سڤیلێن رێ پێ نههێته دان بچنه دهڤهرێن بن كۆنترۆلا رژێمێ و تۆشی تالان و مالخرابكرنێ بووینه خرابتره.
تُتاح هذه الصورة أيضا في: کوردی