سوپایێ عێراقێ رەوشا شنگالێ ئالۆزكریە
تۆرا لالش یا راگەهاندنێ
ئەڤە چەندین جارە سوپایێ عێراقێ راهێنانێن سەربازی ب شەڤێ ل نێزیك كۆمەلگەها بۆرك ل شنگالێ ئەنجام ددەت،ڤێ یەكێ ترس ئێخستیە دلێ خەلكێ و رەوشا شنگالێ ئالۆزكریە.
فەرماندێ گشتی یێ هێزێن پێشمەرگەی ل شنگال(قاسم شەشو)دیاركر،ئەڤە چەندین جارە سوپایێ عێراقێ راهێنانێن سەربازی ب شەڤێ ل نێزیك كۆمەلگەها بۆرك ئەنجام ددەت،ئەڤە تشتەكی كرێتە حكوومەتا عێراقێ دكت و نائێتە قەبوولكرن كو بێن راهێنانا خۆ یا سەربازی ل ناڤ خەلكێ سڤیل دا بكن،ئەگەر راستە هاتینە پاراستنا دەڤەرێ بكن بلە بچن سنوورا بگرن نە بێن ترسێ نیشا خەلكێ سڤیل بكن ژبەر هەتا نهۆ خەلكێ شنگالێ دترست ئەگەر دەنگێ تەقەیا ببهیست،لەوما ئەم داخوازێ ژ حكوومەتا عێراقێ دكن ئەڤ راهێنان بێتە سەكناندن.
هەروەسا(شاكر نایف)ئاكنجیەكی شنگالێ یە گۆت:پشتی هاتنا لەشكەرێ عێراقێ و میلیشیاتێن شیعە بۆ دەڤەرا شنگالێ تا نهۆ چ تشت بۆ نەكرینە و رەوش ئالۆزكرینە ،ژبلی تێكڤەدانا كو ل دەڤەرێ دكن ژ هەموو ئالیان ڤە رەوش یا خرابە ،هەروەسا ئارامیا دەڤەرێ ل پێش هەر تشتەكی یە لێ هێشتا نكارینە ئارامیێ ب چەسپینن بتنێ خۆ نیشا خەلكێ دكن و ب شەڤێ ترسێ دئێخنە دلێ خەلكێ ب چالاكیێن خۆ یێن سەربازی،داخوازا مە ئەوە ئەڤ جۆرە چالاكی بێنە سەكناندن و خەلكێ ئێدی نەترسینن.
پشتی 16ئوكتۆبەرا2017ێ،سوپایێ عێراقێ و میلیشیا حەشدا شەعبی هاتنە دناڤ شنگالێ دا و لێ بنەجهبووینە.
تُتاح هذه الصورة أيضا في: کوردی