پارتی: رێ نائێته دان ل شنگال ئازادانە بانگەشەيا خۆ بکەین
رووداو-شنگال
لە شنگال پارتی بە 18 بەربژێر و یەکێتی بە 6 بەربژێر و پارتی ئێزدی و دیموکراتیک بە 16 بەربژێر رکابەری یەکدی دەکەن بۆ هەڵبژاردنی پەرلەمانی عێراق.
پارتی دەڵێت، ناتوانن لە شنگال بانگەشەی هەڵبژاردن بکەن و پۆستەرەکانیان دەدڕیندرێت، بەڵام بەپێچەوانەوە یەکێتی دەڵێت، ئازادانە لە شنگال بانگەشە بۆ بەربژێرەکانیان دەکەن و هیچ کێشەیەکیان نییە.
عیدۆ خەڵەف، بەربژێری پارتی لە شنگال بە تۆڕی میدیایی رووداوی راگەیاند: “لە شنگال رێگری لە ئێمە دەکرێت و ئەوکەسانەی پۆستەرەکانی ئێمە بڵاودەکەنەوە دەستگیردەکرێن. کێشەکەمان گەیاندووەتە کۆمیسیۆنی باڵای سەربەخۆی هەڵبژاردنەکانی عێراق”
یەکێتی 6 بەربژێری هەیە لە شنگال بۆ ئەو هەڵبژاردنە، حەجێ عەبدوڵڵا بەربژێری یەکێتی لە شنگال بە تۆڕی میدیایی رووداوی راگەیاند: “:ئێمە وەک یەکێتی لە هەموو شنگال بانگەشەی خۆمان بەبێ کێشە کردووە”.
پارتی ئازادی و دیموکراتی 16 بەربژێری لەو هەڵبژاردنە هەیە و سەرۆکی ئەو پارتە دەڵێت، ئاستەنگ دەخرێتە بەردەم بانگەشەی بەربژێرەکانمان.
حەیدەر شەشۆ، رێکخەری پارتی ئازادی و دیموکراتی ئێزدی بە تۆڕی میدیایی رووداوی راگەیاند: “لە کەمپی ئاوارەکان ئاستەنگیان لە بەردەم ئێمە دروست کردووە و رێگە نادەن ئازادانە بانگەشەی خۆمان بکەین”.
بۆ نزیکەی 160 هەزار دەنگدەری شنگال 50 کەس لە پارتە جیاوازەکان کاندیدکراون و هەوڵدەدەن دەنگی هاونیشتمانیانی شنگالی بۆ خۆیان مسۆگەر بکەن.
تُتاح هذه الصورة أيضا في: کوردی