حكومهتا عێراقى كێشه بۆ وهرگرتنا گهنمێ جوتیارێن دهۆكێ دروستكرن
ياسنيوز:
رێڤهبهرێ كومپانیا دهخلودانى ل پارێزگهها دهۆكێ بۆ ئهڤرۆ دیاركركو حكومهتا عێراقى بریار دا گهنمێ جوتیارێن دهڤهرا روڤیا ل بنگههێ وهرگرتنا گهنمێ روڤیا نههێته وهرگرتن ئهڤ دێ زیانى گههینته جوتیارێن سهد گۆندێن دهڤهرا روڤیا.
نازم محهمهد، رێڤهبهرێ كومپانیا دهخلودانى ل پارێزگهها دهۆكێ بۆ(باسنیوز) دیاركر: “حكومهتا عێراقى بریاردا یه ئهڤ سالا بتنى گهنمێ جوتیاران ل ههر سى سایلویێن پارێزگهها دهۆكێ بهێته وهرگرتن ل بنگههى روڤیا یێ وهرگرتنا گهنمێ ئهڤ سالا بهغدا بریار دایه گهنم نههێته وهرگرتن ههر نوكه مه داخازكریه بهغدا ڤێ بریارا خوه ههلوهشینت ل بنگهه روڤیا ژى گهنم بهێته وهرگرتن چونكو ل وێ دهڤهرى گهلهك گهنمێ جوتیاران دهێته وهرگرتن دێ بریارا بهغدا زیانى گههینته جوتیاران”.
ئهوژى دیاركر: “ئهڤ سالا دێ زۆر ئاریشه و ئاستهنگ بۆ جوتیاران دروست بن ژبهر بریارا وهرگرتنا گهنمى بتنى ل سایلویان بهغدا ئهم ئاگههداركرینه ئهڤ سالا بتنى گهنم ل سایلویان بهێته وهرگرتن ئهوژى سایلویا فهیدیێ و زاخۆ و شیخان وبهرى نوكه سالانه ل گرۆپان وبنگه ه ژى گهنم دهاته وهرگرتن ئهڤه بوو بارسڤكى ل سهر سایلویان زوو تر گهنم جوتیاران دهاته وهرگرتن”.
ئاشكهرا ژى كر: “ئهڤ سالا 2018ێ بتنى دێ پارێزگهها دهۆكێ 108 هزار تهنیێن گهنمێ هێنه وهرگرتن دووڤ بریارا حكومهتا عیراقێ ئهڤه ژى رێژهكا كێمه بۆ دهۆكێ چونكو سالانه پتر گهنم دهێته وهرگرتن وجوتیار دچینن و ئهڤ سالا بریار هاتیه دان ههر جوتیارهكێ گهنمێ خوه ژ سایلویان ڤهكیشت دێ كوژمێ 25 هزار دیناران دهت ئهوژى ههكه جوتیار ل سهر حهزا خوه گهنمێ خوه ڤهكیشت دێ 25 هزار دیناران دهت ههكه ژى لیژنا وهرگرتنا گهنمێ بریار بدهت ئهو گهنم نههێته وهرگرتن جوتیار پاره نادهت”.
نازم مهحمهد گۆتژى: “ئهڤ سالا گهنمێ پله ئێك 560 هزار دیناران هێته وهرگرتن ژ جوتیاران وگهنمێ پله دوو ژى دێ تهنا وێ ب كوژمێ 480 هزار دیناران هێته وهرگرتن وگهنم پله سیى ژى تهن دێ ب 420 هزار دیناران هێته وهرگرتن”.
گۆتژى: ”ل عیراقى 14/4/2018 دهست وهرگرتنا گهنمێ هاتیه كرن ل ههرێما كوردستانێ هیشتا دهست پێ نههاتیه كرن وهیشتا پرۆسسیهیا دۆرینا گهنمێ دهست پێ نهكریه ئهم چاڤهرینه ناڤیێن جوتیاران بهێته رهوانهكرن بگههن ههتا دشین دهست وهرگرتنا گهنمێ بكهین”.
تُتاح هذه الصورة أيضا في: کوردی