دهۆك.. 150 خانی بۆ پەنابەرێن رۆژئاڤا هاتنە ئاڤاكرن
باسنيوز:
بۆردێ كاروبارێن مرۆڤایەتی ل پارێزگەها دهۆكێ ب هاریكاریا حكوومەتا كویتێ 150 خانیێن نوو بۆ پەرنابەرێن رۆژئاڤا ل كەمپێن دومیز1 و دومیز2 ئاڤاكرن و 1500 خانیێن وان ژی نووژەنكرن.
سالم سەعید، بەرپرسێ راگەهاندنا بۆردێ كاروبارێن مرۆڤایەتی ل پارێزگەها دهۆكێ بۆ (باسنیۆز) دیار كر، ئەڤ پرۆژە ب پشتەڤانیا حكوومەتا كۆیتێ و ب كوژمێ سێ ملیون و 552 هەزار دۆلارێن ئەمریكی و ب رییا رێكخراوا UNHCR هاتیە جێبەجێكرن و ب هەماهەنگی یا پارێزگەها دهۆكێ بۆردێ كاروبارێن مرۆڤایەتی BRHA كار ل ئاڤاكرنا 150 خانیان و نوزژەنكرنا ١٥٠٠ دیتر دهێتە كرن ل هەردۆ كەمپێن دومیز ئێك و دوو.
ئاشكرا ژی كر كو ئارمانجا ئاڤاكرن و نووژەنكرنا ڤان خانیان پتر خۆشكرنا رەوشا پەنابەرێن رۆژئاڤایێ كوردستانێیە ئەوێن نیشتەجێ ل هەرێما كوردستانێ.
خویاژی كر كو ژ بۆ نێزیك دیتنا كاركرنێ ل سەر ڤی پرۆژەی ئیسماعیل محەمەد هاریكارێ پارێزگارێ دهۆكێ بۆ كاروبارێن ئاوارە و پەنابەران و د.عومەر ئەلكەندری كۆنسۆلێ گشتیێ كویتێ ل هەرێما كوردستانێ و خانم مونیكا نورو رێڤەبەرا رێكخراوا UNHCR ل هەرێما كوردستانێ و ئان دالون رێڤەبەرا ئوفیسا دهۆك هەمان رێكخراو سەردانا هەردۆ كەمپێن ناڤبری كر ژ بۆ دووڤچوونا رەوشا كاری ل پرۆژێن ئاڤاكرن و نووژەنكرنا خانیان بۆ پەنابەرێن رۆژئاڤایێ كوردستانێ ل هەردۆ كەمپان.
تُتاح هذه الصورة أيضا في: کوردی