تاكە لیستا بهێز و بكارە بەرگریێ ژ مافێ كوردستانیا بكت لیستا 184
خالد خدر 
چەند رۆژەك مانە ژبۆ ئەنجام دانا هەلبژارتنێن ئەنجوومەنێ نوونەرێن عێراقێ،تێتە زانین ئەڤە هەلبژارتنێن هەنێ یێت چارێ نە پشتی رووخاندنا رژێما سەدامێ دكتاتۆر كو ئەڤ هەلبژارتنە دێ سەرۆك وەزیر و سەرۆك كۆمار دەست نیشان كت،ژبەركو سیستەمێ دەستهەلاتێ ل عێراقێ فیدرالی پەرلەمانی یە ئانكو نە سەرۆكاتی یە ،كو عێراق وەلاتەكی پری نەتەوە و دین ومەزهەبە وهەر سەد هەزار كەسا كورسییەكی پەرلەمانی بەرد كەڤە، و هەر پارێزگەهەكا عێراقێ ژمارەكا كورسیكا بەردكەڤە ئەوژی لپێ رێژا ئاكنجیێن وێ پارێزگەهێ و ژمارا گشتی یا كورسیێت ئەنجوومەنێ نوونەرێن عَیراقێ دبنە (329) كورسی ، كو هەر پارتەك یان قەوارەكی بەشدار ل هەلبژارتنا دا رێژا زۆر یا ڤان كورسیكا ب دەستخۆڤە ئینا وێ ماف هەیە سەرۆك وەزیر ژ وێ بت و پاشی كابینا حكومەتێ چێكت و بڤێ شێوەی دەستهەلاتا تاكی و دكتاتۆری ب داوی هات.
عێراق میراتگرێ ژمارەكا كەلتۆر و شارستانیێت كەڤن و دێرینێن دیرۆكێ نە مینا شارستانیێن سۆمەری و ئاشووری و بابلی كو ل وەختێ خۆدا هەڤركی دكرن دگەل وان شارستانیێن دی یێن دەڤەرێ وگەلەك لپێش وان بوو ، و ل هەمان دەم دا جیێ تەماكاریێن داگیركەرێن گەل و ئیمبراتۆریەتێن دەوروبەرێن خۆ یێت وەك رومانی و فارسی و ئەرەبێن بیابانا نیمچە دوورگێ ، و ب بۆچۆن و دیتنا گەلەك چاڤدێر و شرۆڤەكارێن سیاسی ئەڤ سیستەمێ دەستهەلاتێ دیموكراسی یە بەلێ دیموكراسییەتەكا لەنگ و ئیفلنجی یە ژبەر سەدەما زالبوونا حزب و هێزێن دینی ب تایبەتی یێن شیعەیان وهەروەسا بلندبوونا رێژا گەندەلیێ و مایتێكرنێن وەلاتێن بیانی و دراوسێ دكاروبارێن دەستهەلاتا وەلاتی دا ب تایبەتی ئیران و قوورخكرنا دەستهەلاتێ ژئالیێ گرۆپەكی شیعی ڤە و پەراوێزكرنا هەموو ئالیێن دی یێن وەلاتی ب تایبەتی هەرێما كوردستانێ وگەلێ وێ كو ئەڤە چەندین سالە مافێ وان دئێتە خوارن و دئێنە سزادان ژئالیێ دەستهەلادارێن بەغدا ڤە هەر ژ بڕینا بەشە بۆدجا هەرێما كوردستانێ و مووچێ فەرمانبەرا و یا ژهەموویێ خرابتر و مەزنتر ئەو هێرشا لەشكەرێ عێراقێ دگەل گرۆپێن حەشدا شەعبی ئیناینە سەر هەرێما كوردستانێ ل پایزا سالا(2017)،بەلێ خۆشبەختانە بەرسڤا وان ب تووندی هاتە دان ژئالیێ پێشمەرگێن قارەمانێن كوردستانێ ڤە ل پردێ و مەحمودیێ و عین عوویز و داستانێت هەری مەزن تۆماركرن ل دژی داگیركەرا.
بێگۆمان ئەڤ هەلبژارتنێن داهاتی زۆر دگرنگن بۆ هەموو ئالیێن عێراقێ ب تایبەتی بۆ بهێزكرنا سیستەمێ سیاسی و وەراركرنا وەلاتی و كێمكرنا سیستەمێ لەشكەری ل وەلاتی و خۆقوورتالكرنێ ژ هەژمونا ئیرانێ ئەڤ هەلبژارتنێن بێن بۆ هەرێما كوردستانێ گرنگترن،چنكو دڤێتن هەرێما كوردستانێ ژ ئیرۆ وپێڤە شەرێن گران بكەتن ل بەغدا و بێگومان ئەڤ شەرە ژی دێ ب رێیا نوورێن خۆ ل بەغدا كت ئانكو ئەندامێن خۆ یێن داهاتی ل ئەنجوومەنێ نوونەرێن عێراقێ ئەڤ شەرە ژی دێ لسەر دەستووری بن و لسەر بۆدجا هەرێمێ و شایەستەیێن دارایی و مافێن ئابووری یێن خەلكێ كوردستانێ وراكرنا وان سزا و گڤاشتنێن كەتینە سەر هەرێمێ ژبەر ئەنجام دانا ریفراندۆمێ ،هەر چەندە كورد دڤان هەلبژارتنا دا ب لیست و قەوارەێن جودا هاتینە خوارێ بەلێ هێشتا وان بەخت مایە هەڤبگرن پشتی هەلبژارتنا ئەگەر نیازا وان یا پاك بت داكو بەرەڤانیێ ژ مافێ گەلێ كوردستانێ بكن و بێگومان تاكە لیستا بهێزەو بكارە بەرگریێ ژمافێ كوردستانیا بكت لیستا(184)یە چنكو دیرۆك دیدەڤانە بۆ رابردوویێ ڤێ لیستێ.
تُتاح هذه الصورة أيضا في: کوردی