گرنگیا گێرانا جەژنێن ئایینی دناڤا كۆمەلگەها كوردی دا
ئاراز خدر خەتاری
وەكو یە ئاشكەرا كوردستان وارێ پێكڤەژیان و ئارامیێ یە بۆ هەموو ئایین و پێكهاتەیان و هەموو پێكڤە ب ئازادی و ئارامی و ب گیانێ مرۆڤایەتیێ لێ دژین،هەروەسا كوردستان یە پێكهاتیە ژ كۆمەلگەهەكا دەولەمەند ب ئایینان كو چەندین ئایینێن خودان هزرێن جێواز ب شێوەیەكی ئارام و ئازاد لێ دژین و دبێژنە وێ كۆمەلگەهێ ژی كۆمەلگەها كوردی،ئەڤجا دناڤ وان ئایینان دا چەندین جەژنێن تایبەت بخۆڤە هەنە و دناڤ وان جەژنان ژی دا چەندین رێورەسمێن تایبەت گرێدایی ب وان جەژنان ڤە ل رۆژانێن وان دئێنە گێران و ئەنجام دان،بەلێ دهندەك دەمان دا رێگری و ئاستەنگیێن مەزن دروست دبن درێیا گێرانا وان جەژنان دا،ئەو رێگری و ئاستەنگنە دبنە ئەگەر كو ئەڤ جەژن نەئێنە گێران و رێورەسمێن وان برێڤە نەچن،هەروەسا د درێژاهیا مێژوویێ دا چەندین كارەسات و نەخۆشی بسەرێ وان ئایینان هاتینە ئەوێن دناڤ ڤێ كۆمەلگەهێ دا دژین و ژ ئەگەرێ وان كارەسات و نەخۆشیان نكارینە چەندین جەژنێن خۆ یێن گرێدایی ب ئایینی ڤە بكن و رێورەسمێن وان بگێرن،ئەڤجا نەكرنا وان جەژنان ژی كارتێكرنەكا نەرێنی و خراب لسەر كۆمەلگەها كوردی هەبوویە و ب بۆرینا دەمی هێدی هێدی هزرێن خەلەت دیار دبوون ئەوێن رۆژانە هەموو خەلك ژ هەموو ئایینان دكەفتنە تێدا و هەتا رادەیەكی وەسا لێ دهات كو سەرهلدانا هزرا خەلەت ببتە مەترسیەكا مەزن بۆ سەر كۆمەلگەها كوردی ب شێوەیەكی تایبەتی و ناڤچەیێ ب شێوەیەكی گشتی و ببتە ئەگەر كو نەخۆشی دناڤبەرا ئایینان دا دروست بن،بەلێ پشتی سەرهلدانا ئارامی و ئاشتی و ئازادی و پەیدابوونا هەستێ پێكڤەژیانێ دناڤبەرا هەموو كەسانێن هەموو ئایینان دا،ئەڤ چەندە بوو ئەگەر كو كۆمەلگەها كوردی گەشەكرنێ بخۆڤەببینت،ئێدی هەموو ئایینان ب شێوەیەكی ئاشتی و ئارامی و ئازادی و ب پشكداریا كەسانێن ئایینی یێن ژ ئایینێن دی جەژنێن خۆ بگێرن و رێورەسمێن خۆ یێن ئایینی ئەنجام بدەن،ئەڤێ چەندێ ژی كارتێكرنەكا ئەرێنی و گەلەكا باش لسەر كۆمەلگەها كوردی دروستكر و وەسا لێكر كو ب شێوەیەكی باش و بلەز پێشكەفتنێ بخۆڤەببینت،ئەڤ پێشكەفتنە ژی بوویە ئەگەرێ پێشكەفتنا كوردستانێ و وەسا لێهاتیە كوردستان ژلایێ رەوشەنبیری ڤە گەلەك پێش بكەڤت،هەروەسا هەتا رادەیەكی گەلەكی باش كارین كارتێكرنەكا بهێز ل وەلاتێن جیهانێ بكن كو بەردەوام چاڤێن وان لسەر كوردستانێ بن ژبۆ دیتنا وێ كۆمەلگەها پێكهاتی ژ هەموو ئایینان،هندەك ژ گرنگیێن گێرانا جەژنێن ئایینی دناڤ كۆمەلگەها كوردی دا ئەڤەنە: 1- بهێزكرنا كوردستانێ دچاڤێن وەلاتێن جیهانێ دا،ئەڤێ چەندێ ژی وەسا ل زۆربەیا وەلاتان كر كو بەردەوام چاڤێ وان لسەر پێكڤەژیانا ئایینان دكوردستانێ دا ببن و وەسا ل وەلاتێن جیهانێ كر كو گرنگیەكا زێدەتر ب كوردستانێ بدەن،2- بهێزكرنا پەیوەندیێن كۆمەلایەتی دناڤبەرا خەلكێ دا ژ هەموو ئایینان لدەمێ گێرانا جەژنان و پیرۆزكرنا وان ل ئێك و دوو،ئەڤ چەندە ژی دبتە ئەگەرەكی بهێز ژبۆ پەیدابوونا رێزگرتنێ دناڤبەرا وان دا و ئەڤ رێزگرتنە ژی دبتە ئەگەرێ پەیدابوونا ئاشتی و ئارامی و ئازادی و هتد …،3- هەروەسا گێرانا جەژنان دبتە ئەگەرەك بۆ ژناڤبرنا هزرێن خەلەت ئەوێن رۆژانا خەلكەك لدۆر ئایینێن دی دكەڤنە تێدا، 4- گێرانا جەژنان دبتە ئەگەرەكی بهێز كو هەموو خەلكێ دناڤ وێ كۆمەلگەهێ دا پێزانین لسەر ئایینێن دی هەبن،ئەڤ یەكە ژی دبتە ئەگەرێ نەمان و ژناڤبرنا هزرێن خەلەت،ژبلی ڤان گرنگیان گێرانا جەژنان چەندین گرنگی و مفایێن دی هەنە.
تُتاح هذه الصورة أيضا في: کوردی