دئـێزدیاتیێ دا (عـەیـب) ئـەرکانەکا پـیـرۆزە
پير خه‌لات ئه‌لياس
عەیب ژ ئەرکانێت پیرۆزە یێن خودێ ناسیێ:
دباوەریا ئۆلا ئێزدیاندا هەر کەسێ عەیبێ بزانت و رێزێ ل خۆ و خێزان و بنەمال و ئوجاغا خۆ دگرە و ئەو ژ عەیبا دنیایێ فام دکەت و ناخێ وی کەسی ئی ساخ و خودان وەسفەتە ئێک ژوان وەسفەتێن هەری گرنگ سومحەت و کەرامەتێن وینە.
ژ ئەدەبێ دینێ ئێزدیان دەتە دیارکرن و دبێژت:
عەیب ئەرکانەکا ژ ئاقلە
هنجیێ زۆر داری ل نەفسا خۆ دکرە
جەوهەر ل بەژن و بالا وی د شوغلە.
رامان ژ ڤێ سەبەقێ هەر کەسکی ئاقل وێ هەی و هەکە عەیبی ل جەم هەبت ئانکو ئەو کەسی ئاقلەکی باش وێ هەی و دێ قارت زۆرێ ل نەفسا خۆ بکەت و خۆ شەمەزار ناکەت و دێ خۆ پارێزت ژ نەفسێن خراب و خۆ نائینتە وێ بێ رێزیێ ژ ئالیێ لبسی و جل و بەرگەڤە دێ هەر دەم ب ستار و مەقولی بت لەوما دێ سەرفەراز و بەر و پێشبت و زانا و رەوشەنبیر و کەسێن پسپۆر دێ هزرەکا بەها گران بەرێ خۆ دەنێ و ل جهێ باوەریەکا بێ سنوور دێ ئێتە ناسین و دمێ ناڤێ کەسەکی وەسا ل دیوان و مجلسان بێت دێ بێژن: ئەو مرۆڤەکی ب رەوەشت و ئەرکانە لەوما عەیب ئەرکانەکا ژ ئاقلە و هەر وەسا ئاقل ژ دەهێکا باتنێ یە.
ژ ئەدەبێ دینێ ئێزدیان دبێژت:
هەتا نیڤا عەمری ل دنێ بوو
ژ نیڤیێ و پاش نەل سەر رێ بوو
ژ ئەو پاش ئەو چۆ بەهرا دۆژێ بوو.
د نیڤێ عەمردا علمەکر
بۆ قۆلۆغ و تۆلاسێن خەلکێ خۆ کەشخەکر
ژ ئەو پاش ئەو چۆ و خۆ ژ ئاخرەتێ بێ مەفەکر.
رامانا ڤان سەبەقێن علمێ خودێ د دەتە دیارکرن و دبێژت: هەر کەسێ ساخ ل سەر روویێ عەردێ دژیت ژ هەردوو رەگەزە و هەتا باش فام بکەت و ژ ئەو پاش دڤێت خۆ بسترینت و خۆ بێ پەردە نەکەت و هەر کەسێ پێگیریێ ب سمحەت و وەفاداریا خۆ نەکەت ئەو دێ ل رۆژا ئاخرەتێ کەفتە دۆزەخێ و دێ بتە بەهرا جەهنمێ.
ژە ئەدەبێ دینێ ئێزدیان دبێژت:
روحا پارستی خەلاتێ وێ جەوهەرە
ل رۆژا ئاخرەتێ ئیب خودان و سەروەرە
یار و برا دێ دەریێ بەهشتێ لێ ڤەکەنە.
رامان ژ ڤێ سەبەقێ دبێژت:
هەر کەسێ هاژێ روحا هەبت و خۆ دوور بکەت ژ بێ رەوەشتیێ ل رۆژا ئاخرەتێ شێخ و پیر و هۆستا و مەرەبی و یارو برێت ئاخرەتێ دێ لێ بنە خودان و سەروەر و دێ بەنە بەهشتێ و ئەو روح دێ گەهتە مرازێ.
لەوما د ئێزدیاتیێ دا یەفەر ل سەر هەر کەسەکی خودان ئەرکانبت و ئەرکانەک ژیێت ئێزدیاتیێ عەیبی یە و هەکە ئینسان عەیب بکەت چوو یا خراب ناکەت و هەر دەم دێ کەس و کار و بنەمال و ئوجاغا وی ژێ رازی بن و هەکە هەر کەس ژێ رازی بوو دێ خودێ ژێ رازی بت.
تُتاح هذه الصورة أيضا في: کوردی
