ڤان پـێـنگاڤا پاڤێژن دا بگەهنە خۆشبەختیێ
دلۆڤان ئەمجەد بارزانی
ب دەستڤە ئینانا كەسایەتیەكا ئارام و باش زۆرا گرنگە بۆ ب دەستڤەئینانا بەختەوەریێ چنكو ئارام گرتن و هەبوونا سەبر و هەدارێ هایكاریا مڕۆڤان دكت بۆ هندێ كو بكارینە خۆ و لسەر هێز و شیانێت خۆ زاڵ بن ل دەمێن تۆرەبوونێ دا بڕیارێت خەلەت نەدەن كو داویێَ ببنە ئەگەرێ پۆشمانی و دوو دلیێ ، پاشی د وی دەمی دا پۆشمانی فایدە ناكت،لەوما پێتڤیە بێن فڕە و ب سەبر بن ل دەمێت بریار دانێ دا.
ئەز باوەر ناكەم هەموو مڕۆڤ د ژیانێ دا ب دووڤ ئاڕامی و دڵخۆشی و خۆشبەختی و بەختەوەریێ دا بگەڕێن ، ئەم هەموو حەز دكەین دڵخۆش و بەختەوەر بین و بكارین ب ڕەنگەكی تەندرووست بەرەنگاڕێ وان ئاڕیشا ببینەڤە ئەڤێن دئێنە د ڕێیا مەدا ل ژیانێ دا،خۆشبەختی دیارییەكە كو د هەمبەر ئەنجام دانا ئەركی دا بمە دئێتە دان،لێ دڤێت بزانین خۆشبەخت بوون ئێكە ژ گرنگترین ئەڕكێن مە،لڤێڕە پسیار ئەوە ئەرێ دڤێت چ بكەین و چ ڕێ بگڕینە بەر ؟ئەرێ دڤێت مڕۆڤ چ بكت بۆ ب دەستڤەئینانا بەختەوەریێ و ئارامیێ؟ئەرێ چاوا ل خۆ دەستپێ بكەین ؟ چاوا پێنگاڤا بهاڤێژین دا بكارین خۆشبەختیێ بدەست خۆڤەبینین ؟ب چ ڕەفتار و شیانا دێ گەهینە بڵندیا خۆشبەختیێ؟.
ب كورتی دێ بەرسڤا ڤان پسیارا دەین:_هەول بدەن خۆ ل وان كەسا دووربێخن ئەڤێن ئاڕیشا بۆ تە چێدكن و دبنە جیێ دڵ نەخۆشیا تە،هندەك كەسێن هەین ب بەردەوامی تە ئاڕیشە یێ دگەل وان هەین یان ژی ب بەردەوامی تێڕن و قسەڕەقن دگەل تە ،ڕەنگە توو نكاری وان كەسان ل ژیانا خۆدا دەڕبێخی ب ئێكجاری ، چنكو كەسێن نێزیكی تەنە،لێ بەلێ هەوڵ بدە خۆ ل ڤان جۆرە كەسان دووربێخە دا كاریگەریا وان لسەر دەروونێ تە كێمتر بت ، نەبنە جیێ دل نەخۆشیا تە ،هەموو دەمان سۆپاسدار بە هەردەم هزر ژ لایێ باشیا ژیانێ بكە و رازیبوونا خۆ دیاربكە ،هەر دەمێ توو بێزاردبی هەول بدە هزر دوان تشتا دا بكە كو ژیانێ بتە بەخشیبن ، خێزانا تە ، كارێ تە ، زارۆكێن تە ، ساخلەمیا تە ، شیانێت تە … گەلەك تشتێن دی،لەوما كەسەك بە، هزر د تشتێن باشێت ژیانا خۆدا بكە كو ببنە ئەگەرێ دڵخۆشیا تە ، ل داویێ تە خۆشبەخت بكن ،هەروەسا دگەل كەسێن دەوروبەرێن خۆ ب باشی ڕەفتارا بكە و ب بەردەوامی هەۆلا باشیێ بدە.
ئەم هەموو دزانین كو چاكی كڕن دگەل خەلكی سەرچاوەیا بەختەوەریا مڕۆڤانە ژبەر ڤێ هندێ ژی هەول بدە چاكیێ بكەیە كارەكی سەرەكی بخۆ دژیانێ دا ڕۆژانە ب دووڤ وان كەسان هەرە ئەڤێن پێتڤی بتە هەی ،دگەل ئەڤێ ژی دا ڕەفتارێن تە ڕەفتارێت دەوروبەرێن تە دیار دكن،لەوما هەردەم یێ باش بە دگەل كەسێن دەوروبەرێن خۆ ، دا ئەو ژی باش بن دگەل تەدا،ڕەنگە هندەك خەلكیش هەبن لسەر ڤێ هەموویێ باشیاتە هێشتا ڕەفتارێن خڕاپ بكن دگەل تە ، بەس توو خۆ ژوان كەسا دوورربێخە ..خۆ دووربێخە ژ میدیایا خراپ ، كۆ دنهۆدا هەموو كەناڵ و تۆڕێن كۆمەلایەتی بەحس بەحسێ كوشتن ، تۆندوتیژیێ، شەڕ ، قەیرانا ئابووری ، دەست درێژی و … گەلەك تشتێن دی، ب تایبەتی بەحسێ دەنگدانێ دئێتە كڕن كو نهۆ ئەمێ نێزیكی دەنگدانێ دبین و هەڵبژارتنا بەربژێران كو هاتینە ئاشكراكڕن،لێ بەلێ ئاگەهداربوون ژ دەنگوباسان كارەكی زۆرێ باشە.
دهەمان دەم ژی دا ئاگەهداربە هندەك جاران تەماشەكرنا ئەڤ جۆرێ دەنگوباسان كاریگەریەكا نەڕێنی یا هەی لسەر باڕێ دەروونی یێ كەسان كو ل داویێ دێ بتە ئەگەرێ دڵتەنگی و خەمۆكیێ..ب باشی بنڤە، چەندین تۆێژەرێت زانستی ئەڤ ڕاستیا دەڕئێخستی كو ل پێناڤ تەندرووستیەكا باشدا پێتڤیا ب خەوەكا باش هەی كو دبتە ئەگەرێ ئاڕامی و سافكڕنا مێشكی،ب شەڤ ل دەمەكێ گونجایی و باشدا بنڤە كۆ توو بزانی دێ سبێ زوو ژ خەو ڕابی ،هەروەسا خۆ دووربێخە ژ ڤەخاڕنێت كحۆلی و ماددێت هۆشبەر تێدا،زۆر جارا ماددێت هۆشبەر دگەل كحۆلی دبنە جیێ دڵتەنگیا مڕۆڤان،هەڵبەت ژ كەسەكی بۆ كەسەكیی دی دئێتە گهۆڕین و ڕێژا وێ ژی كاریگەریەكا زۆرا هەی ،ئەگەر بزانی ئەڤ ماددە دبنە ئەگەرێ نەرەحەتیاتە، هەول بدە كێم بكەی یان ژی هەر ب ئێكجاری نەهێلی.. هیڤیا من ژ خودێ مەزن ئەوە هوون هەموو دژیانا خۆدا بەختەوەر ، دڵخۆش ، خۆشبەخت ، ئاڕام بن،بەختەوەرترین و خۆشبەخت ترین كەس ئەو كەسەیە یێ گەشبین د ژیاناخۆدا …..بەدبەخت ترین و شۆمترین كەس ئەو كەسەیە یێ ڕەشبین د ژیانا خۆدا.
تُتاح هذه الصورة أيضا في: کوردی