جوداهی دناڤبەرا رەش وسپی دا
خالد ئەحمەد بادی
پشكا سێیێ
ب راستی ئەڤ كارەسات وهێرشێن دژی مللەتێ كورد هاتینە ئەنجام دان چارەنڤیسەكێ بەرزەو نەدیار بۆ خەلكێ مە پەیدا بوو ونەزانی دێ چ بسەرێ وان ئێت وبەرەف ئایندەكێ نە دیارو بەرزە وبێ سەروشوین ڤە دچۆن،و چ جاران ئەڤ دیمەنێن پری كارەسات ونەخۆشی ودەردەسەری نائێنە ژبیركرن وهەردەم مینا كەڤالەكێ نەخشاندی ب جینۆساید وئەنفال وگرتن و زیندان و سۆتن وئەرەبكرن وچەكێ كیمیاوی وكارەسات وقركرن ونەعەدالەتی وجیاوازیێ وخۆفەرزكرنێ لپَش چاڤێن مللەتێ كورد بوو.
ئەڤ زولم وستەما دوژمنان ئەنجام دای دژی مللەتێ كورد چ سیستەم و یاسا وئایین وپەرتۆكێن ئاسمانی رێ نادەن كارێن هۆڤانە بێنە ئەنجام دژی مرۆڤایەتیێ وپێتڤی یە هەردەم روودانێن بسەرێ مللەتێ كورد هاتین نەئێنە ژبیركرن وبێنە ساخكرن وبیرئینان وببنە پرۆگرام وپەرتۆك بۆ بەربابێن داهاتی و هەردەم بێنە ڤەگێران بۆ دوست ودوژمنان،داكو ئەڤ كارەساتە هەردەم خالەكا رەش بت بناڤ چاڤێن دوژمنان ڤە بت،پشتی قۆناغا حوكمرانیا كوردان دیسا پتر هێرش لسەر مللەتێ كورد ژهەموو ئایینا ژ ئێزدی وموسلمان ومەسیحی هەبوویە وئەو بوو دورپێچا ئابووری یا دوقولی دانایە سەر مللەتێ كورد ل كوردستانێ وڤەكێشانا ئیدارا خۆ ژدهۆكێ ورۆلێ هەرێ پێش چاڤ ودیار یێ كوردێن ئێزدی دبەشداریكرنا وانان درێڤەبرنا ئیدارا دهۆك و كوردستانێ وپەیداكرنا دەلیڤا كاری ل دەڤەرێن ئێزدی نشین ل پارێزگەها دهۆكێ وكا چەوان برایێن كوردێن ئێزدی بەشداری دشۆرەش وبەرخودانێن كوردان دا كریە وەسا بەشداریەكا زۆر باش دسەرهلدان وبرێڤەبرنا دەستهەلاتێ ل كوردستانێ دا هەبوویە وب تایبەت ل دەڤەرا دهوكێ وپەرلەمانێ حكومەتا هەرێما كوردستانێ و دام ودەزگەهین میری دەستكەفتێ هەرە مەزنە بۆ مللەتێ كورد ل كوردستانێ،حكومەت ودەستهەلاتێ كوردستانێ ب سینگەكێ بەرفرەه رێخوشكەرەكێ كاریكتەر بوویە بۆ ڤەژاندن وزڤرین وپێشڤەبرنا ئایینێن ل كوردستانێ هەی وهەروەسا لێكنێزیك كرنەكا دی ژی یا بهێز لناڤبەرا هەموو ئایین ومەزهەب ونەتەوان دا پەیدا كریە.
یا خویایە دوژمنێن كوردان هەموو هاتینە هێڤێن كرن ب دوژمنكاریكرنا كوردان هەر چ ئایین بن ول عێراقا گەنی ب دەهان گرۆپ ورێكخراو ولایەنێن توندرەو مینا قاعیدە وپارت وگرۆپێن ئایینی یێن توندرەو وداعش وحشدا شەعبی پەیدابووینە كو هەموویان دژایەتی یا كوردان كریە وب تایبەت كوردێن ئێزدی،ئەو بوو هێرشا هۆڤ وترسنۆك وزالم یێن داعشا تیرۆرست دەست پێكرن بۆ كوردستانێ ومەرەم ئەو بوو كوردین ئێزدی بن بر بكن وب بهانەیا ئایینی ولبن زۆر پەردێ ڤە ژی كاركرن و ب سەدان هەزاران هاتنە ئاوارە كرن وب دەهان هاتنە شەهید كرن وب دەهان بەلكو ب سەدان كچێن كوردێن ئێزدی كرنە سەبایا وبازرگانی پێ دكرن وهەموو دەڤەرێن كوردان داگیركرن وئالایێ رەشێ وەكی وانان دل رەش وگەنی لسەر وان دەڤەران بلندكرن و ب هەموو رەنگان زولم وستەم ل برایێن كوردێن ئێزدی ئەنجام دان،لەوما پێشمەرگێ قەهرەمان دوبارە وسێ بارە بەرسینگێ چەگچەكیلێن داعشا تیرۆرست گرتن وسنوورەك بۆ دوژمنكاریێن وانان دانان وهەموو دەڤەرێن كوردێن ئێزدی هاتنە رزگاركرن ژلایێ پێشمەرگێن قەهرەمان وحكومەتا هەرێما كوردستانێ ڤە ودوبارە وسێ بارە تێرێن دوژمنان ب بەری كەفتن.
ل دەمێ كاروانێ ژیانێ برێڤە بچت ب رێیەكا راست وبێ چەپ یان ب رێیەكا راست زۆر سیناریو پەیدا دبن،چنكو سیستەمێ ژیانێ یێ هۆسایە قۆناغەكا دی یا دوژمنكاریا كوردان پەیدا بوو ئەو ژی هێرشێن حەشدا وەحشی بۆ سەر كوردستانێ ودیسا گرتنا وان دەڤەرین كوردێن ئێزدی ژلایێ وان هۆڤاڤە هاتنە داگیر كرن وانان ژی دەست ب كوشتن وگرتن ودەربەدەركرنا كوردێن ئێزدی كرن ونەكرنا چاندنێ وخودانكرنا تەرش وكەوالی لێ هاتیە قەدەغە كرن وب ملیۆنان كوردێن ئێزدی هاتینە بێ بەهر كرن وتا نهۆ ژی دەڤەرێن وان لبن كۆنترۆلا هۆڤێن حەشد وعێراقا روخیایی وگەنی عێراقا شیعا وعێراقا ئیرانێ دانە.
تُتاح هذه الصورة أيضا في: کوردی