بەرپرسێ لژنا رەوشەنبیری:بنگەهێ لالش درێزا ئێكێ دا بوو بۆ هاریكاریكرنا لێقەومایێن شنگالێ
تۆرا لالش یا راگەهاندنێ
بەرپرسێ لژنا رەوشەنبیری ل دەستەیا بلندا بنگەهێ لالش یێ رەوشەنبیری و كۆمەلایەتی دیاركر،بنگەه نهۆ كەفتە دیۆگلیا خۆ یا زیڤی دا كو(25)سال ژ تەمەنێ خۆ تەمامكرن،ئەڤە وەرچەرخانەكا مێژوویی یە كو ئێكەمین رێكخراوە دناڤ ئێزدیان دا كاری لڤی دەمی هەموویێ بەردەوام بت بۆ پێشكەفتنێ،هەر پشتی(2003)ێ و هەتا بەری كارەساتا شنگالێ پتر ژ هەزار كاسێتێ(CD) هەلكەفتێن ئایینی و نەتەوی و جڤاكی یێن ئێزدیان ئەرشیفكریە،دیسان پشتی(2014)ێ كارەساتا بسەرێ ئێزدیان هاتی بنگەهی سیستەمێ خۆ گهۆری و خۆ كرە درێزا ئێكێ دا بۆ خزمەتكرن و هاریكاریكرنا خەلكێ لێقەومیایی دا.
(شەمۆ قاسم) بۆ رۆژناما دەنگێ لالش دیاركر،بنگەهێ لاش وەكو رێكخراوەكا جڤاكێ سڤیل هەر ژ دامەزراندنا خۆ ل(12/5/1993)ێ خەبات كریە و نهۆ كەفتە دیۆگلیا خۆ یا زیڤی دا كو(25)سال ژ تەمەنێ خۆ تەمام كرن،ئەڤە وەرچەرخانەكا مێژوویی یە بۆ بنگەهی ئێكەمین رێكخراوە دناڤ ئێزدیان دا كاری ڤی دەمی هەموویێ بەردەوام بت بۆ پێشكەفتنێ،ئەم دكارن دامەزراندنا بنگەهێ لالش و خەباتا وی چ ژ ئالیێ رەوشەنبیری یان پەیوەندیان لسەر سێ تەوەران دیاربكن تەوەرێ ئێكێ هەر ژ دامەزراندنا خۆ ژ سالا (1993)ێ هەتا (2003)ێ ئێك سەنتەر هەبوو ل سەنتەرێ باژێرێ دهۆكێ و پشتی هنگی ژی هەول دان كو بكارت پەیاما خۆ بگەهینتە ئێزدیان هەموویان و دڤێدەرێ دا وان هەولەكا هەرە مەزن كر تشتێ هەری گرنگ پێشوازییا وان خەلكا بكت ئەوێ ل راپۆرت و پەرتۆكان ڤەكۆلینا لسەر ئێزدیان چێدكت و بكاربت وێ راپۆرتێ ب دروستی بگەهینت و دیسان ئێزدیان ب خەلكێ بدەتە نیاسین،چنكو ئێزدیان هەتا دامەزراندنا بنگەهێ لالش چ هەول نە هاتبووكرن كو وێ تەسویرا خراب لسەر ئێزدیان رابكت،لەوما مە وەك بنگەه پەیاما خۆ ل وی دەمی دا گەهاند ئەم بكاربن ئەم خزمەتەكا هەرە گرنگ بۆ ئێزدیاتیێ بكن درێیا ئێزدیاتیێ دا بكارن پەیاما خۆ بگەهیننە هەموو ئێزدیان مە پرۆگرامێ ئێزدیاتیێ دروستكر و گۆڤارا (لالش) دەرئێخست و رۆژنامەیەك بناڤێ(دەنگێ لالش) بۆ خەلكێ خۆ بەرچاڤ كر و سایتەكی هەرێ گرنگ دروستكر بناڤێ (شبكە لالش الاعلامیە) مە كاری هەر تشتەكی ب ئێزدیا ڤە گرێدایی ل ڤێدەرێ بەرچاڤ كن.
هەروەسا تەوەرێ دووێ پشتی(2003)ێ بوو قۆناغەكا هەرە مەزن هاتە پێش و مە كاری تشتەكی نوو بكن ژبەركو گەلەك سەنتەرێن بناڤێ ئێزدیا تەمام بوون ل هەموو باژێر و باژارۆكێن ئێزدیان مە سەنتەر چ تا و چ نڤیسینگەهـ لێ ڤەكرن و درێیا ڤان نڤیسینگەهان را كاری خزمەتەكا گرنگ بۆ جڤاكێ خۆ بكن،بێگومان برێیا ڤان تا و نڤیسینگەهان بنگەهێ لالش جارەكا دی تازە هاتە پێش و ئارمانجێن بۆ هاتینە دانان بجهـ بینت،كو دەست ب دروستكرنا شێوەیەكی پەرتۆكان كر دگۆتنێ زنجیرە چاپەمەنیێن بنگەهێ لالش و ئەو زنجیرە یا بەردەوامە ژی هەتا نهۆ و پتر ژ(36)پەرتۆكان هاتینە چاپكرن لدۆر ئێزدیناسیێ و كەلتۆرێ كوردی و فلكلۆرێ دناڤ مە ئێزدیان دا هاتیە پاراستن،دیسان (شبكە لالش الاعلامیە) رۆلەكی مەزن دڤی دەمی دا دیت چنكو پەیاما خۆ ب هەردوو زمانێن كوردی و ئەرەبی بەلاڤ دكر و هەر تشتەكی مە ڤیای ب رێیا وی سایتی بەلاڤ دكر،بنگەهێ لالش چەندین گۆڤارێن تایان ژی دەردئێخست و هەر تایەكی گۆڤارەكا خۆ دەردئێخست و ژئالیێ رەوشەنبیری ڤە گەلەك یا گرنگ بوو، هەر پشتی(2003)ێ و هەتا بەری كارەساتا شنگالێ مە دووپات بۆ كۆمكرنا ئەرشیفەكی باش دكر وەك ئەرشیفێ بنگەهی چ هەر رێورەسمەك و بیرەوەریەك و بیرهاتنەكا ئێزدیان یا نەتەوەیی یا جڤاكی هەموو ژی رۆمال دكر و نهۆ یا ئەرشیف كریە ل نك مەیە و پتر ژ هەزار كاسێتێ(CD)دروستكریە و ب شێوەیەكی ئەندازیاری یێ زانستی پاقژ مە تۆماركریە،ژئالیێ راگەهاندنێ ڤە ئەم بوونە پرەك دنیڤەكا جڤاكێ مە و چارەسەریا كێشەیان ئەم بگەهیننە دەستهەلاتێ و حكومەتا هەرێما كوردستانێ و یێ خۆ ل مە كریە خودان وەك بنگەه حكومەتا هەرێمێ بوویە ب تایبەت پشتی دەڤەرێن ماددا(140)هاتینە سەر كوردستانێ ڤە مە كاری ل وی دەمی دا كارەكی پیرۆز بكن و پەیاما خۆ بگەهینن و پەرتۆكێن ل هەموو قوتابخانێن ئێزدی لێ هەین هەر ژ پۆلا ئێكێ سەرەتایی و هەتا پۆلا دوازدێ ئامادەیی ژی و هەموو قوتابخانێن ئێزدیخانێ هاتنە خووندن هەموو ب هیمەتا بنگەهی و كادرێن وی بوو.
ژلایەكی دی ڤە دیاركر،ژئالیێ پێش ئێخستنا جڤاكی و وەرارا مرۆڤی خزمەتەكا گرنگ برێیا سمینار و وۆرك شۆپان بۆ ئافرەت و گەنجان پێشكێش بكن وەكو هشیاریەكێ بۆ جڤاكێ مە،بزانت مافێ ئافرەتێ چیە هەروەسا گەنج خۆ رێك بئێخت و رەوشەنبیر بكت،دیسان پەرتۆكخانا مە ب هەزاران پەرتۆك لێ هەنە و هەر كەس دكارت مفای ژێ وەرگرت.
بەرپرسێ لژنا رەوشەنبیری دا زانین پشتی(2014)ێ كارەساتا بسەرێ ئێزدیان هاتی بنگەهی سیستەمێ خۆ گهۆری و خزمەتا خەلكێ لێقەومیایی كر دەما ئاوارەبوویی بنگەهێ لالش خۆ كرە درێزا ئێكێ دا بۆ خزمەتكرن و هاریكاریكرنا وان،هەروەسا مە خزمەتەكا رەوشەنبیری بۆ خەلكێ شنگالێ كر بۆ دوارۆژا كارەساتا شنگالێ پەرتۆكەك چاپكر بناڤێ كارەساتا شنگالێ ب زمانێ ئەرەبی بوو ژ (600) لاپەران پێكهاتبوو هەر چ تشتێ گرنگ بوو تێدا دكیۆمێنت كریە داكو هەر ڤەكۆلەرەك یان گەر سوبە دادگەهەك بخوازت مفایی ژ ئەرشیفێ مە ببینت یان هەر دادگەهەكا ناڤخۆیی یان دادگەها لاهای بت داكو وەك جینۆساید بێتە ناساندن.
تُتاح هذه الصورة أيضا في: کوردی