دهۆك.. ئاوارهیێن ل بهر لافاوان كهفتین هاتنه قهرهبووكرن
باسنيوز:
پشتی باران بارینهكا زۆر ل ناوچهیێن جودایێن پارێزگهها دهۆكێ، چهندین زیان گههشتنه خێزانێن ئاواران ل ناڤ كهمپان، ب سهدان خیڤهت ژ ناڤ چوون و كهل وپهلێن وان خێزانان ژى هاتنه ژناڤبرن، ب تایبهت ل كهمپا باجد كهندالا.
سالم سهعید، بهرپرسێ راگههاندنا بۆردێ كارو بارێن مرۆڤایهتی بۆ (باسنیۆز) دیار كر، ژ ئهگهرێ بارانێ زیان ل چهند رۆژێن بۆرى دا، هژمارهكا خیڤهتێن ئاوارهیێن ل كهمپێن دهۆكێ و ب تایبهت ل كهمپا باجد كهندالا ژناڤ چووبوون و كهل و پهلێن وان ژى هاتبوونه ژناڤبرن، لهوما بۆردێ كاروبارێن مرۆڤایهتى ب هاریكاریا رێكخراوێن بیانى خیڤهتێن وان خێزانا گۆهارتن و ههمی كهل و پهلێن وان ئهوێن زیان بهركهفتی هاتن دابینكرن.
ئاشكرا ژى كر كو ئهڤرۆ ل رێكهفتی ١٤/٥/٢٠١٨ دیسان چهندین كهل و پهل ل سهر وان خێزانا هاتن بهلاڤكرن كو پێك هاتبوون ژ خیڤهتان و ئاهێن خوارنێ و كهل و پهلێن ناڤ مالێ، ب مهرهما خۆشكرنا رهوشا وان خێزانا پشتی زیان بهر كهل و پهلێن وان كهفتین.
تُتاح هذه الصورة أيضا في: کوردی