ل عهفرینێ خێزانێن عهرهب دناڤ مالێن ئێزدیان دا دهێنه ئاكنجیكرن
باسنيوز:
لهشكهرێ ئازاد ل وهلاتێ سۆریا دهست ب ههوهكێ كریه بۆ هندێ ئهو خێزانێن ئێزدى یێن ل عفرینێ دژین دهردئێخن و عهرهبان ل مالێن وان ئاكنجى دكهن و ب دههان خێزانێن ئێزدى بووینه قوربانیێن ڤێ سیاسهتى.
ل گۆرهى وان زانیاریێن مالپهرێ كوردێ ئێزدى (ئێزدینا) كو ب بنگههێ وێ ل وهلاتێ سۆریا یه بهلاڤكرین، پێشیلكاریێن گرۆپێن توندرهو یێن سهر ب لهشكهرێ ئازاد ڤه د دهرههقێ سڤیلان ل باژێرێعهفرینێ ب شێوهیهكی گشتی و ئێزدیان ب تایبهتی د بهردهوامن، ل سهر بانگهوازیێن بهردهوام یێن رێكخراوێن مافێ مرۆڤ یێن ناڤخۆیی بۆ سهكناندنا ڤان پێشلكاریان، خێزانهكا ئێزدی ل عهفرینێ ژ مالا وێدهرێخستن و خێزانهكا دی ژ كۆچبهرێن غوتا رۆژههلات ل جهێوێئاكنجی كرن.
ئاشكرا ژى كریه، ڤێ خێزانێب ناچاری مالا خوه بجێهلایه و خێزانهكا دی ژ كۆچبهرێن غوتا رۆژههلات ل مالا وێئاكنجی كرینه كو دكهفته جادا فیلات ل ناڤهندا عهفرینێ. نها ژى چهكدارێن لهشكهرێ ئازاد ب زۆری خهلكێ رهسهن ژ مالێن وان دهردئێخن، ب ئارمانجا گوهۆرینێن دیموگرافی ل باژێری بكهن.
ئهو یهك ژى دیار كریه، لهشكهرێ ئازاد گهف ل هندهك خێزانێن ئێزدى كرینه كو بۆ ماوێ 24 دهمژمێران ب تنێ د خانیێن خوه دا بمینن و ژ عفرینێ باربكهن و ب چو رهنگان نهڤهگهرنه ڤه، ههروهسا ئهو خێزانێن ئێزدى یێن مالێن خوه بجههێلاین و ژ بهر شهرى ئاواره بووین، خێزانێن عهرهب د مالێن وان دا ئاكنجى كرینه، ژ بۆ هندێ دیمۆگرافیا باژێرى ب گوهۆرن. ههروهسا ژنهك ئێزدى تووشى جهلتا دلى دبیت، پشتى لهشكهرێ ئازاد ب زۆرى ژ مالا وێ دهرخستى و برى ل گوندهكێ بچووك ئاكنجیكرى.
تُتاح هذه الصورة أيضا في: کوردی