قەدەرا من
قاسم لەوەندی
قەدەرێ بلەز هیڤیێن دلێن مە بڕین
شەمالكێن عەشقا مە نە مان و ڤەمرین
كەڤۆكێن كول و كۆڤانا بۆ مە ڤرین
رۆندكا سنورێن خۆ ژ چاڤێ مە بڕین
قەدەرێ نە هێلا ئەم ب هەڤ شابن
دەست و تلی خۆ ل هەڤ بادن
جیێ لێڤێن تە لسەر روكێ من خویابن
دەست و لێڤ ل چنینا باخچێ سینگێ تە دكاربن
مە گەلەك خەون هەبوون
ژ دەستپێكا ئەڤینا مە هەتا دوماهیكا ژیانا مە
لێ تەڤ بوون خوەلی و لبەر بایێ قەدەرێ چۆن
مە دگۆت سەد بەكو نەشێت مە ژ هەڤ دوور بكە
ڤەلەكێ پشتا خۆ دا مە و ئەم ژێك دوور بوون
مە گەلەك خەیال هەبوون
لێ مخابن وەكی تاڤەكا بارانێ هاتن و چۆن
نە ئەز گەهەم خۆ لبەر شل بكم
و نە توو گەهای
پەرداخەكێ ژ وێ ئاڤێ ب زەهر مندە بكی
مە هەردووكا هیڤییەك هەبوو
بەس چ بكەم هیڤیێن مە نەمان و وندابوون
نزە ئەڤ چ بوو بسەر مەدا هات
ئەز لپێش چاڤێن تە ڕەش بووم
شەڤا تاری بسەر مندا هات
ئەزم یێ دین و هار
گەهـ هزرێن تە دكم
گەهـ كەربێن من ژ تە ڤەدبن
گەهـ بیریا تە دكم
گەهـ رۆندكا دبارینم
نزا چ بكم ژ ڤی دەردی
توو قەد ژ بیرا من ناچی
تە ژیان تەڤ بخۆ را بر
و توو چری و نەمای ل ڤر
تنێ ئەز مام دل بریندار
نە من دۆستە و نینە هەڤال
توو هەموو ژیانا من بووی
ئیرۆ توو لمن بووی نەیار
ئیرۆ توو لمن بووی نەیار
تُتاح هذه الصورة أيضا في: کوردی