فلمێن وی ل چەند وەلاتێن جیهانێ هاتینە پیشاندان
تۆرا لالش یا راگەهاندنێ
دەرهێنەرەكێ پارێزگەها دهۆكێ هەتا نهۆ(3)كورتە فلم و(9)فلمێن دكیۆمێنتاری دگەل كۆمەكا فلمێن دكیۆمێنتكری و پرۆگرامێن جۆرا و جۆر بۆ كەنالێن كوردی و بیانی دەرهێناینە،زێدەباری فلمێن وی ل گەلەك وەلاتێن جیهانێ هاتینە پیشاندان.
دەرهێنەرێ گەنج و ژێهاتی( شینوار كەمال) د دیدارەكێ دا بۆ رۆژناما دەنگێ لالش راگەهاند،هەتا نهۆ(3)كورتە فلم و(9)فلمێن دكیۆمێنتاری دگەل كۆمەكا فلمێن دكیۆمێنتكری و پرۆگرامێن جۆرا و جۆر بۆ كەنالێن كوردی و بیانی دەرهێناینە،ئێك ژ خۆشترین كارێن من كورتە فلمێ( ژیان دگەل بابەلیسكێ)یە ژبەر كارێ من یێ دەستپێكێ بوو بەلێ فلمێ من یێ هەری باش و سەركەفتی فلمێ(مین هەلگر) بوو كو فلمەكی دكیۆمێنتكریە بەحسێ جانگۆریێ پێشمەرگە عەقید فاخر بەرواری دكت كو ژیانە خۆ گۆری قورتالكرنا ب هەزاران خەلكێ كریە،ئەڤ فلمە ژ دەرهێنانا من و هۆگر هروری یە بەرهەمێ وەلاتێ سویدێ یە،هەروەسا فلمێن من ل گەلەك وەلاتێن جیهانێ هاتینە پیشاندان و داوی فلم یێ(مین هەلگر) بوو هەتا نهۆ پشكداری دچەندین ڤیستەڤالان دا كریە پشتی كو ل داویا سالا(2017)ێ ل وەلاتێ هۆلەندا پشكداری د ڤیستەڤالا( ئیدفا ) یا فلمێن دكیۆمێنتی دا كری كو مەزنترین ڤیستەڤالا فلمێن دكیۆمێنتی یە ل جیهانێ وی فلمی كاری خەلاتێ(دوری) بدەستخۆڤەبینت،ئەم دكارن بێژن ئەو فلم ل هەموو ئەورۆپا هاتە بەلاڤكرن و ل وەلاتێ ئوسترالیا و ئیسرائیل ژی پشكداری ڤیستەڤالا بوو كاری خەلاتێ مافێ مرۆڤی یێ سالا(2018)ێ و زێدەباری چەندین خەلاتێن دیتر بدەستخۆڤە بینت.
دەرهێنەری ئاشكەراكر،دهەموو سالێن بۆری دا دەمێ دراڤ لبەر دەستێ حكومەتێ هەی ددا مە و هاریكاریا مە دكر ژبۆ چێكرنا فلمان و فلمێن كوردی دهاتنە چێكرن و گەلەك دباشبوون،بەلێ من ل هەموو گۆتنێن خۆدا دگۆت بلا ئەڤ دراڤە بێتە تەرخانكرن ژبۆ پرۆژەیێن ستراتیژی وەك ئینانا سینەمایێ و پێشەسازیا سینەمایێ و ڤەكرنا پشكێن سینەمایێ ل زنكۆ و پەیمانگەهان،داخوازا مە ئەوە پتر گرنگی ب سینەمایێ بێتە دان داكو ب رێیا وێ دەنگێ خۆ بگەهیننە جیهانێ.
دا زانین ژی هەر ژ دەستپێكا دامەزراندنا كەنالێ وار تیڤی یێ ئاسمانی لێ كار كریە و ل دەستپێكا سالا(2016)ێ ب فەرمی وەكو دەرهێنەر چۆمە گەل كەنالی و هەتا نهۆ ب هاریكاریا هەڤالان چەندین پرۆگرام دەرهێناینە.
تُتاح هذه الصورة أيضا في: کوردی