ڤەكۆلینەك لسەر ئایینێ ئێزدیان ل زانكۆیا سەلاحەددین هاتە چێكرن
تۆرا لالش یا راگەهاندنێ
ل زانكۆیا سەلاحەددین ل پارێزگەها هەولێرێ،قوتابیەكی ئێزدی ل قۆناغا چارێ ڤەكۆلینەك لسەر دەڤ و شەبابا دئایینێ ئێزدیا دا چێكریە و ژمارا ئێزدیان لسەرانسەری جیهانێ ئاشكەراكریە.
قوتابی(ناتق سالم)ل قۆناغا چارێ بەشێ موزیكێ یە ل زانكۆیا سەلاحەددین پرۆژێ ڤەكۆلینا دەرچۆنا خۆ لسەر دەڤ و شەبابا دئایینێ ئێزدیان دا چێكریە،بۆ رۆژناما دەنگێ لالش دیاركر، ل دەست پێكێ من بەحسێ ئێزدیا كریە دا خەلكەك بناسن و پاشی بەحسێ ڤەكۆلینا خۆ كریە كو دبەشێ ئێكێ دا بەحسێ كێشە و سنوور و دیاری هاتیە كرن،دبەشێ دووێ دا بەحسێ ئێزدیا كریە كو كینە و ژ چی پێك دئێن و ل كێدەرێ نە و رێورەسمێن وان و چی پەرێزن،پشتی هنگی ژمارا ئێزدیا ل جیهانێ و جیێن وان ل كێدەرێ دژین وەكی كوردستانا باشوور و سوریا و چەند وەلاتێن دی ل جیهانێ و جیێن وان دیاركرینە و ژمارا وان نێزیكی ملیۆن و نیڤ بۆ دوو ملیۆن كەسایە ل سەرانسەری جیهانێ،پاش نژاد و ناڤ كو ناڤێ وان ژ چی پێك دئێتە و چی دپارێزنە وەكی ژ ئالیێ خودایی ڤە،بیروباوەرێن ئێزدیا وەك فەرزێن حەقیقەتێ و تەریقەتێ یا گرنك ئەو هەموو قۆناغێن مێژوویێن ئێزدیا تێدا دەرباز كرین من بەحسكریە و سمبولێن پیرۆزێن ئێزدیا كو چ تشت ل نك وان یێ پیرۆزە وەك پەرستگەها لالش و رۆژا چارشەمبوویێ و رۆژ و جڤاتا رۆحانی و چەند پیرۆزیێن دیتر،ئەڤە ژلایێ ئایینی ڤەبوون مە هەموو بەحسكرین.
لدۆر دەڤ و شەبابا دئایینێ ئێزدیا دا دبێژت:ل دەستپێكێ بەحسا موزیكا دەڤ و شەباب دئایینێ ئێزدیا دا كریە كا ژ چی پێك دئێت و گرنگیا خۆ هەیە،پشتی هنگی دروستكرنا دەڤ و شەبابا كا ژ چی دروست دكەنە،پشتی هنگی لێخستنا دەڤ و شەبابا ب چی لێدخن كو قەوال ب تنێ لێددەن و رێورەسمێن ئایینێ ئێزدیا ب رێڤە دبەن و چاوا قەوال فێری موزیكێ دبن.
سالم ئەو ژی گۆت:دبەشێ سێیێ دا بەحسێ سەمایێ دكت كو چینە و ژ چی پێك دئێت مە هەفت سەما هەنە و موزیكا وان من یا تۆماركری و كرینە نۆتێن موزیكێ و هەموو نڤیسینە كا نۆتێ وان چینە و بەحسێ نۆتێ دئێتە كرن ئەو ژی ئێك ژ گرنگترین بەشێ ڤەكۆلینێ یە وكو نۆت و شرۆڤەیا وان چێكریە و نۆت ب شێوەیەكی ئەكادیمی هاتینە نڤیسین،هەروەسا بەشێ چارێ لسەر سەرچاوە و پاشگۆنە وێنێن دەڤ و شەبابایە.
وی قوتابی دیاركر،گرنگیا ڤەكۆلینێ لسەر هەردوو ئامیرێن دەڤ و شەبابایە كو بۆچی گرنگیا وان دناڤ ئێزدیا دا هەیە كو هەزاران سالە ئێزدی ڤان هەردوو ئامیرا لێددەن،پشتی گەنگەشا ڤەكۆلینێ كری ئێك ژ ڤەكۆلینێن باش بوو لژنە لسەر رازی بوو چ كێماسی لسەر نەبوون و ب ڤەكۆلینەكا بەرپرسیارانە دانە دیاركرن كو ب ستۆیێ خۆ ڤە گرتی و چ ئاریشە لگەل ژێدەر و پێزانینا لسەر ڤەكۆلینێ نەبوون،هەردەم پرسیار دهاتە كرن كو دەڤ و شەباب چنە و ژ چی پێك دئێن گرنگە ئەم تشتێ خۆ دیار بكەین و گەلەك ژێدەر سەر دەڤ و شەباب هەنە ژلایێ نۆتێ و موزیكێ ڤە وەسا گرنگی نەدایێ یە و گەلەك كەس هەنە سەر دەڤ و شەبابا دئاخڤن و باش تێ ناگەهنە و روتینی سەر دئاخڤن،بەلكو گەلەك تشتان بخۆڤە دگرت دڤێت بێنە دیاركرن بۆ خەلكەكی.
ناڤهاتی دڤان چار سالێن زانكۆیێ دا ڤەكۆلینەك لسەر(مەحەمەد شێخۆ و تەحسین تەها وگولبەهارێ وكاریگەریا موزیكا توركی لسەر موزیكا كوردی ل دەڤەرا بادینان و دەڤ و شەباب دئایینێ ئێزدیان دا چێكرینە.
تُتاح هذه الصورة أيضا في: کوردی