هەلبژارتنێن پەرلەمانێ عێراقێ …
شێردل سمۆ
پرسیارەك بۆ نڤیسینگەها هەلبژارتنا یا مەكتەبا سیاسی یا پارتی دیموكراتی كوردستان،كی بەرپرسە ژ ئەڤێ رەوشا ئێزدیان یا نهۆ وكاندیدێن ئێزدی بۆ پەرلەمانێ عێراقێ…؟؟؟؟؟؟!!!!!!.
دیسان غەدرە ل خەلك ودەنگ ودەنگدەرێن ئێزدیا ل كوردستانێ وعێراقێ هاتە كرن، كو نە ل دهۆك ونە ل مووسل هیچ كاندیدەكی ئێزدی سەرنەكەفت بۆ خۆلا دووێ ل دووڤ ئێك ژبلێ ل هەر خۆلەكیێ ئێك ئافرەت (ل نەینەوا) دەركەفت ئەو ژی ب حكمێ رێژا ئافرەتا دلیستێ دا وئەڤە ژبەر چەند ئەگەران :1_زۆربوونا كەسێن حەز ل بەربژێریێ هەی ول داویێ یێن خۆ كاندیدكرین كو دزڤرت بۆ نە شارەزایا تاك وكاندیدێ ئێزدی دبابەتێ هەلبژارتنان دا، وهەر ئێكی ڤیایە بگەهتە هۆلا پەرلەمانی بێی حسابا ژمارا دەنگان ومسۆگركرنا تەڤایا بابەتی بكەتن..2_پشتراستكرنا پارتی دیموكراتی كوردستان مینا هەر لیستەكا پشكدار دهەلبژارتنان دا لسەر كۆمكرنا دەنگان بۆ لیستێ بەری بەربژێران، وپێشكێشكرنا ئەڤێ ژمارا هندە زۆر یا كاندیدا ل پارێزگەها نەینەوا نەخاسمە ل دەڤەرا شنگالێ بوویە ئەگەرێ سەرەكی یێ بەلاڤبوونا دەنگێن لایەنگەرێن پارتی یێن ئێزدی ونكارینە هیچ كاندیدەكی بۆ كۆمكرنا دەنگێن دروست بۆ ئێك كورسیكێ..3_زێدەباری پارت وبزاڤ ورەوتێن سیاسی یێن ئێزدیا ل دەڤەرێ،چەند بزاڤ وپارتێن دی ژی،ژنوو دیاربوون وهاتن راگەهاندن بۆ ئەڤێ خۆلێ كو ژمارا بەربژێران زێدەكرن ودەنگێن ئێزدیان زێدەتر هاتن بەلاڤكرن.
یا مە دڤێت بێژین پرانیا دەنگدەرێن ئێزدی لایەنگەرێن پارتا دیموكراتا كوردستانێ نە وهەر رەوشەك ل دەڤەرێن ئێزدیا بێتە پێش بەرپرسیارێ ئێكێ دێ پارتی بت،ژبەركو ئێزدی پارتی ب رێبەر وخودان وبەرپرسێ خۆ دبینن وپارتی ژی خۆ بەرپرسیارێ ئێكێ دبینت ل دەڤەرێن ئێزدیان….. لەوما نە دەركەفتنا هیچ كاندیدەكی ئێزدی د دوو خۆلێن هەلبژارتنێن پەرلەمانێ عێراقێ دا ل دووڤ ئێك لسەر پارتی حسابە، وب دیتنا مە ئەڤ ئەنجامە دێ ب خرابی زڤرت بۆ حزبێ، ودل ودەروونا تاكێ ئێزدی دێ ب رەنگەكی خراب داخباربت ب ئەڤێ رەوشێ ،پێتڤیە پێداچۆن هەبت لسەر ئەڤی سیستەمێ بەربژێریێ دناڤ پارتی دا،ودهەلبژارتنێن پێشەرۆژێ دا ئەڤ چەندە بێتە راچاڤكرن وژمارا بەربژێرێن ئێزدیا بێن كێمكرن…..دا نهۆ ل جیێ (6)شەش كورسیكا پارتی(10)كورسی وەرگرتبانە لسەر ئاستێ بازنێ نەینەوا ،پارتی دیموكراتی كوردستان بوو خودانا (29) كورسیكا بڤی رەنگی(10 )كورسی ل دهۆكێ( 8)كورسی ل هەولێرێ(6) كورسی ل مووسلێ( 1)كورسی ل سلێمانیێ(1 )كورسی ل بەغدا دگەل سائیرون(3 )كورسی كوتا.
تُتاح هذه الصورة أيضا في: کوردی