خوارنا حهبێن قهلهویێ ئهڤان كارهساتان پهیدا دكهت
نوش نیوز:
گهلهك كهس ههنه دهما حهز دكهن ژلایێ كێش و سهنگا لهشى ڤه قهلهو ببن دێ پهنایێ بهنه بهر خوارنا حهبكێن قهلهویێ و د ههمان دهم دا هزر و پرسیارا وێ چهندێ ناهێته كرن چ زیان دێ لدویڤ خوارنێ دا پهیدا بن .
نوشدار عهبدولخالق محهمهد ئهمین وهیسى نوشدارێ تایبهتمهندێ دل و هناڤان بو نوش نیوز دیاركر: خوارنا حهبكێن قهلهویێ پتر ژ لایێ كچ و ژنان ڤه دهێته بكار ئینان و كارتێكرنهكا نهرێنى ل سهر ژیانا وان كهسان ههیه ئهوێن حهبكێن قهلهویێ دخون چونكه باشترین رێك بو قهلهویێ خوارنهكا دروسته.
نوشدارێ دلو هناڤان ئهو چهنده ژى دیاركر: هندهك حهبكێن ههین دبێژنێ حهبكێن (دلڤهكهر) و ب شهڤ دهێنه خوارن و خهوا مرۆڤى زێده دكهت ئهوى جورێ حهبكێ چ زیانا خوه نینه و پتریا وان جورێ حهبكێ جورهكێ فێقى ل سهر ههیه ئهگهر كهسهك بخوت چ زیان بو نینه و گوت: حهبكا جورێ (دیكسون) حهبكهكا مهترسى یه و زیانا خو ههیه و دلگرانى ڤه گهلهك كچ و ژن بكار د ئینن بو قهلهویێ چونكه ئهو جوره حهبكه بو قهلهویێ نههاتیه دروستكرن بهلكو بو هندهك كارێن دى هاتیه دروستكرن.
ناڤبرى نهڤهشارت :زیانا وێ حهبكێ (زختا مروڤى رادبیت و سوكهرى دروست دبیت و مهعیدهى د ئێشینیت) و ئهڤ چهنده زیانهكا مهزنه بو مرۆڤى و ئهڤ حهبكه سهرۆچاڤێن كچا د وهرمینیت و ئهڤ حهبكه دوهنى ژ ههمو لهشى دكێشیت و دبهته زكى و سهرۆچاڤان و دهست و پێن مرۆڤى گهلهك لاواز و زهعیف دبن و مرۆڤ توشى نهخوشیا دهرونى دبیت و میێت لهشێ مرۆڤى زێده دكهت و ههستیكێ لهشى مرۆڤى لاواز دكهت و ئاڤا سپى گهلهك ل سهر چاڤێن مرۆڤى زێده دكهت و ئهڤ چهنده بو مرۆڤى یا خرابه و گوت ژى:ئهڤ جورێ حهبكێ بو هندهك نهخوشیا مینا حهساسیێ یان رهبویێ یان روماتیزمێ یان نهخوشیێن گولیچسكان و بو نهخوشیێن پهنجهشێران ئهڤ حهبكه هاتیه دروست كرن ولێ مخابنى ڤه خهلكێ مه تایبهت كچ بو قهلهویێ ب كار د ئینن و زیانهكا مهزن دێ بو وان كچان پهیدا بیت ئهوێن ئهڤى جورێ حهبكێ ب كار د ئینن .
تُتاح هذه الصورة أيضا في: کوردی