بنگەهێ لالش زارۆكێن ئاوارە ل كەمپا شێخان خەلاتكرن
تۆرا لالش یا راگەهاندنێ
ب هەلكەفتا ڕۆژا جیهانی یا زارۆكان و ب مەرەما چێكرنا گرنژینەكێ لسەر لێڤێت وان و كێمكرنا ئێش و ئازارێـت ل بن خیڤەتان دا،شاندەكی بنگەهێ لالش تایێ شێخان سەرەدانا كەمپا شێخان كر.
ل ڕۆژا ئینیێ 1/6/2018ێ شاندەكی بنگەهێ لالش تایێ شێخان سەرەدانا كەمپا شێخان كر و ژلایێ نوونەرێ ڕێڤەبەرێ كەمپێ”حسێن عەلی” ڤە هاتە پێشوازیكرن،پشتی ب خێرهاتنێ هاتیە كرن “ئازاد موراد”بەرپڕسێ بنگەهی پەیڤەك پێشكێشی زارۆك و خێزانێت وان كر و دیاركر كو یە فەرە هەر لایەنەك پۆتێ ب زارۆكان بكت ژبەركو دێ بنە پاشەڕۆژا ئاڤاكرن و پێشكەفتنا وەلاتی،وەك بنگەه هەردەم دخزمەتا ئاواران داینە و ب تایبەت زارۆكان د هەر بوارەكی دا.
هەر بڤێ هەلكەفتێ چەندین یاریێت زارۆكان ژلایێ بنگەهێ لالش ڤە لسەر وان زارۆكان هاتنە دابەشكرن و گرنژینەكا جوان لسەر دەڤ و لێڤێت وان چێبوو.
ل داویێ خێزانێت وان زارۆكان سۆپاسیا بنگەهێ لالش تایێ شێخان كرن ژبەر ڕۆلێ بنگەهی یێ بەرچاڤ د خزمەتان ئاواران دا.
تُتاح هذه الصورة أيضا في: کوردی