جڤاتا پارێزگهها سلێمانیێ ژ ئیرانێ خواست ئاڤا زێی بهردهن
WAAR-دهۆك:
شاندهكا ئهنجوومهنا پارێزگهها سلێمانیێ ئهڤرۆ دگهل كونسلێ ئیرانێ ل وێ پارێزگههێ كۆمبوو و پرسا گرتنا ئاڤا رووبارێ زێی دگهل دا گۆتوبێژ كر.
لهمیا رهسوول پهیامنێرا وار ل سلێمانیێ راگههاند؛ ئهڤرۆ ل سات 11ی سپێدێ شاندهكا ئهنجوومهنا پارێزگهها سلێمانیێ كو ژ سهرۆكێ ئهنجوومهنی و چهندین ئهندامان پێكهاتییه، سهرهدانا كونسلخانهیا ئیرانێ ل سلێمانیێ كرییه.
ههروهها دیاركر، شاندا ئهنجوومهنی پارێزگهها سلێمانیێ داخواز ژ ئاغاى مهسعوودیان، كونسلێ ئیرانێ كرییه، ئاڤا رووبارێ زێی بچووك بهردهن كو كاریگهریێن ههری خراب پشتی گرتنا وی ههنه.
كۆمارا ئیسلامییا ئیرانێ بهری 2 رۆژان، ئاڤا رووبارێ زێ یێ بچووك گرتییه، پشتی سكرهك ل سهر وی رووباری ل باژاڕ سهردهشتێ یێ رۆژههلاتا كوردستانێ ئاڤاكری.
ب وێ ئهگهرێ ژی، ناوچهدارییا قهلادزێ یا رۆژههلاتا پارێزگهها ههولێرێ و ههروهها ل رۆژههلاتا بهنداڤا دوكان، ژ وهلاتییان خواستییه ئابووریێ د بكارئینانا ئاڤێ دا بكهن.
ههروهها فهرمانگهها ژینگههێ ل ئیدارهیا گهرمیان ژی دیاركرییه، كارهساتهكا مهزنا ژ ئهگهرا هشكبوونا زێی چێبوویه و ب هزاران ماسی مرینه.
تُتاح هذه الصورة أيضا في: کوردی