حه‌شدا شه‌عبى و په‌كه‌كێ نه‌هێلا جڤاتا شنگال بچته دناڤ ده‌ڤه‌رێ دا
باسنيوز:
به‌رپرسێ لقێ 17یێ پارتى ل شنگال راگه‌هاند، جڤاتا شه‌رعى یا شنگال به‌ره‌ڤ شنگال چوون، بۆ هندێ جاره‌كا دى ده‌ست ب كارێ خوه بكه‌ن، به‌لێ رێگرى ل وان هاته كرن و ده‌لیڤه ب وان نه‌هاته دان بچنه دناڤ ده‌ڤه‌رێ دا.
قادر قاچاخ، به‌رپرسێ لقێ 17یێ پارتى دیموكراتى كوردستان، ل شنگال بۆ (باسنیوز) دیار كر، عه‌بادى بریاردایه جڤاتا شه‌رعى یا شنگال ب ڤه‌گه‌ریته ده‌ڤه‌رێ و بڕیار هاتیه ده‌ركرن كو جاره‌كا دى جڤاتا شه‌رعى یا شنگال ب شێوه‌یه‌كێ فه‌رمى ب ڤه‌گه‌ریته شنگالێ، به‌لێ پشتى جڤاتا شه‌رعى یا شنگال به‌ره‌ڤ شنگال چووین و نێزیك بووین بچنه د ده‌ڤه‌رێ دا، هۆسا دیار بوو كو په‌كه‌كێ و حه‌شدا شه‌عبى هژماره‌كا گه‌نجێن ئێزدى ب زۆرى پالدابوونه به‌رسینگێ وان و خۆپێشاندانه‌ك دژى وان سازكربوو و ده‌لیڤه و رێ ب جڤاتا شه‌رعى یا شنگال نه‌هاته دان بچنه دناڤ ده‌ڤه‌رێ دا.
ئاشكرا ژى كر، كو حه‌شدا شه‌عبى پرۆپاكنده دناڤ خه‌لكێ شنگالێ دا به‌لاڤكرینه كو دێ ژ شنگالێ هێنه ڤه‌كێشان، به‌لێ هه‌تا نها چو تشت د دیار نینن و هێشتا حه‌شد د شنگالێ دا مایه و گۆتیشى: نها ئه‌م یێ بزاڤا وێ یه‌كێ دكه‌ین كو نڤیسینگه‌ها عه‌بادى ئاگه‌هداربكه‌ین بۆ هندێ مه بریارا وان بجهئینا و ئه‌م به‌ره‌ڤ شنگالێ چووین، به‌لێ حه‌شدا شه‌عبى و په‌كه‌كێ ب رێیا خۆپێشاندانه‌كێ ده‌لیڤه ب مه نه‌دا بچینه د ده‌ڤه‌رێ دا.
تُتاح هذه الصورة أيضا في: کوردی