كچ و كور پشتی ژیانا هەڤژینیێ سۆزێن خۆ بجهـ نائینن
تۆرا لالش یا راگەهاندنێ/لەیت حسێن
ئەڤینی تشتەكی پاقژە كو كچ و كور پێگریێ پێ بكن و ب خۆشی پێكڤە ببۆرینن،بەلێ دڤی سەردەمێ نهۆ دا ئەڤینیا دناڤبەرا كچ وكوران لسەر بنەمایێ شاش یا دئێتە ئاڤاكرن و پشتی ژیانا هەڤژینیێ ئەو سۆزێن داینە ئێك و دوو بجهنائینن،كچەكا رەوشەنبیر ژی خویا دكت كو تەكنەلۆژیایێ كاریگەری لسەر ئەڤینیێ هەیە.
(سەلیم كەژۆ)گەنجەكی ئێزدی یە دبێژت:دڤی سەردەمی دا ئەڤینیا دناڤبەرا كچ وكوران دا شاشیێن زێدە هەنە یا ئێكێ ئەوە كور حەژ دوو كچان یان سێ یا دكت براستی ژی هۆسا تشتەكی خرابە و دیاردەكا نەباشە دناڤ جڤاكا مەدا،شاشیا دووێ هندەك كور پشتی ڤی جۆرێ ئەڤینیێ چ بنەما بۆ نینە هەولا خۆ كوشتنێ دكت،شاشیا سێیێ ژی كور داخوازێ ژ كچا دكن وێنێن خۆ بۆ را فرێ كن و پاشی ب بەهانەیا بەلاڤكرنا وان داخواز تشتێن خراب ژێ دكن،یا چارێ ژی كور سۆزا ددەتە كچێ لێ پشتی ژیانا هەڤژینیێ پێك دئینت دەرەوا لێ دكت و بجهنائینت،هەڤدەم شاشیێن كچا ژی دەرەوا ل كوری دكن وەك سۆز و یان خۆكۆشتن ژی ل نك كچا ژی پەیدابوویە و خیانەت ژی یا هەی و شاشیا هەرە مەزن ئەوە شووكرنا بلەزە كو دیاردەكا خرابە،ژبەركو پشتی پێكئینانا هەڤژینیێ دناڤبەرا وان دا دڤێت ئەو ببنە خوەی خێزان،ئەڤینی تشتەكی پاقژ و خۆشە لەوما ژ كچ و كوران دخوازم پێگریێ ب ئەڤینا خۆ بكن و ب خۆشی پێكڤە ببۆرینن،هەروەسا داخوازێ ژ خێزانێن كچ و كوران دكەم پتر گوهێ خۆ بدەنێ و شووكرنا بەری تەمەنیێ (18)سالیێ نەهێلن.
(سەلاح بەرغشی)گەنجەكی دی یێ ئێزدی یە گۆت:ئەڤینیا دناڤبەرا كچ و كوران دا دەما دبتە دەرەو ئەوە كچ خۆ وەكو كوری دجڤاكی دا نابینت و باوەریێ بخۆ نائینت كو دكارت كارەكی ئەنجام بدەت و پتریا وان ژ ئالیێ خێزانێن وان ڤە دئێنە بن دەستكرن،لەوما ژی نەچاردبن ئەڤینیێ زوو بكن و هندەك ژی زوو شوو بكن و پاشی پۆشمان ژی دبن.
رەوشەنبیرا كچا ئێزدی(شاهینا یوسف)دیاركر،هەبوونا گهۆرینێن بەردەوام د جیهانێ دا نەخاسمە نهۆ ب سەردەمێ بلەز دئێتە ناڤكرن تایبەت دبوارێ تەكنەلۆژیا دا ئامیرێن وەك مۆبایل و كۆمپیۆتەر كو پتریا گەنجان بكاردئینن،بێگۆمان كچ دگەل ڤی بواری پێشڤە دچت ئەڤە دبتە ئەگەرێ هندێ كو جڤاك هزرێن شاش بكن بۆ نموونە هزركرن كو دانوستاندنێ دگەل رەگەزێ دیتر ئەو ژی كور،دیسان گەلەك كەس هەنە بریارێ لسەر جلكێن كچێ یێن سەردەمیانە ددەن یان ژی دەركەفتن بۆ كارێ خۆ یان قوتابخانا بت یان زانكۆ بت،ژبەر هندێ دبینن ئەڤ هزرە ژبەر ئەڤێ پێشكەفتن و گهۆرینا بلەز چێدبن،سەبارەت ئەڤینیێ دیسان هەمان ئەگەر بكارئینانا زۆر یا سایتێن تۆرێن جڤاكی نەخاسمە فەیسبۆك و چاتكرنا كچ و كوران رەنگە دوی دەمی دا هەردوو رەگەز هزر دكن ئەڤینی بت،بەلێ ئەو جۆرە گرێدانەكا دناڤبەرا مێشك و ئەو تشتێن دئێتە نڤیسین وەسا پەیوەندی چێدبن ئەڤە ژی ژ ئەنجامێ مەزاختنا وەختەكێ زۆر چنكو بێكاری یا زالە،دیسان هەبوونا بارودۆخێن سیاسی و ئابووری و جڤاكی وەسا دكن گەنج ژ پەیوەندیێن دیتر دوور دكەڤن بڤی جۆرە پەیوەندیێ دگرن بتنێ بۆ وەخت بۆراندنێ.
تُتاح هذه الصورة أيضا في: کوردی