پێنج پرسیار بهرى چاندنا پرچێ
رووداو – سلێمانی
ئەگەر قژت تەنک بووە و بڕیارت داوە بیچێنیتەوە، ئەوە بەر لە چاندنەوە ئەم پرسیارانە لەخۆت بکە:
1- بۆ ئەم پزیشکە؟
هەڵبژاردنی پزیشکێکی کارامە بۆ پرۆسەکە کارێکی گرنگە، دەبێ ئەستۆپاک بێ لە کارەکانی پێشووتری و کەسانی پێش تۆ لێی رازی بووبن. بەر لە پرۆسەکەش گفتوگۆی تەواوی لەگەڵ بکە، لەگەڵ ئەو کەسانەش قسە بکە کە پێش تۆ لەلای ئەو قژیان چاندووەتەوە، وێنەی کەسەکان بەر لە پرۆسەکە و دوای ئەوە ببینە و بزانە تۆش رازیت بە گۆڕانکاری لەو جۆرە لە روخسار و قژتدا؟
2- ئایا رێگەچارەی دیکە هەن؟
بەڵێ دەرمانی بەهێزکرنی قژ و کەمکردنەوەی ئەگەری وەرینی قژ هەن، بزانە قژی تۆ لە بارێکدایە بەو دەرمانانە باری لاری رێک ببێتەوە؟ چونکە دەرمانەکان بۆ کەسێک کارا نین کە قژی لە راددەبەدەر رووتابێتەوە.
3- چ جۆرێکی رواندنەوەی قژ بۆ تۆ گونجاوە؟
سێ جۆری سەرەکیی رواندنەوەی قژ هەن:
– دەرهێنانی سەلکە موو: لەمەیاندا بە ئامێرێکی تیژ مووەکە بە خۆی و بنەچەکەیەوە لە ناوچەیەکی بەخشەری سەر هەڵدەکەنرێن و لە شوێنە کەچەڵەکەی سەر دەچێنرێن.
– دەرهێنانی ریزە موو: لەمەیاندا ریزێک موو هەڵدەکەنرێن و پاشان پزیشکەکە جیای دەکاتەوە بۆ تاڵی جیاجیا. ئەمەیان ئاسانترە و پارەی کەمتری تێدەچێ، بەڵام ئاسەوار لەسەر پێستی سەرت بەجێدەهێڵی و ئەگەر دیقەتی کەللەسەرت بدەن رەنگە شوێنی دەرهێنانەکە ببینن.
– تاتۆی تریکۆ: لەمەدا کەسانی کارامە و شارەزا بەشێوەی تاتۆ قژێک لەسەر شوێنە کەچەڵەکە دەنەخشێنن کە زۆر لە راستی دەچێت و تاوەکو بە وردی سەرنج نەدرێ، نازانرێ کە ئەوە تاتۆیە، نەک قژێکی سرووشتی.
4- ئایا چاندنی موو هەمیشەییە یان تەمەنی دیاریکراوە؟
لەگەڵ بەرەوپێشچوونی تەمەندا قژە چێنراوەکەش لاواز و تەنک دەبێ، چونکە ئەویش دواجار سەلکەمووی سرووشتی و راستییە و وەک هەر شانەیەکی دیکەی جەستە پیر دەبێ، بۆیە دوور نییە پاش چەند ساڵ پێویستت بەوە بێ کە جارێکی دیکە مووی دیکەت بۆ بچێننەوە، واتە چاندنی قژ هەمیشەیی نییە و تەمەنی هەیە.
5- تێچووەکەى چەندە؟
مەرج نییە ئەو پزیشکەی بە گران کار بکات، ئەنجامی باشتری هەبن. راددەی سەرکەوتوویی پرۆسەکە بەندە بە کارامەیی پزیشکەکە و سروشتی پێست و مووی تۆ، نەک نرخی قژ چاندنەوەکە.
تُتاح هذه الصورة أيضا في: کوردی