كار لسەر پرۆژێ ئاڤا خانكێ دئێتە كرن
تۆرا لالش یا راگەهاندنێ
ئەڤە دەمەك درێژە پرۆژێ ئاڤا ڤەخوارنێ ل خانكێ پیسبووی و ئاڤا شێلۆ بۆ وەلاتیان دهاتە بەردان و خەلكێ كۆمەلگەهێ ئاڤێ بگرانی دكرن بۆ رێڤەبرنا كارێ خۆ یێ رۆژانە،پشتی خەلكێ گازندە ژ پیسبوونا ئاڤێ كری نهۆ كار لسەر پاقژكرنا وی پرۆژەی دئێتە كرن.
دڤی واری دا مامۆستا(شوكری رەشید)دیاركر،ئەڤ نێزیكی هەیڤەكێ یە تۆرا ئاڤا خانكێ نەیا باشە و شێلۆ و یا پیسە و ئاڤ ب دروستی ناگەهتە مالێن وەلاتیان،پرۆژێ ئاڤا خانكێ گەلەك پیسبوویە و خەلكێ كۆمەلگەهێ ئاڤێ بگرانی دكرن بۆ رێڤەبرنا كارێ خۆ یێ رۆژانە،نهۆ كار لسەر پاقژكرنا وی پرۆژەی تێتە كرن و داخوازێ ژ جیێن پەیوەندیدار دكەین و فەرمانگەها ئاڤا سێمێلێ بدروستی كار لسەر بابەتێ ئاڤێ بكن،ژبەر ساخلەمیا خەلكێ مە و وەرزێ هاڤینێ یە بەردەوام پێتڤی ب ئاڤێ نە.
هەروەسا رۆژنامەڤان(سەباح سمیر) خویاكر،پیسبوونا ئاڤا خانكێ دزڤرینم بۆ كەمترخەمی و خەمساریا فەرمانگەها ئاڤێ،چنكو ڤێ چەندێ كارتێكرنەكا خراب لسەر ساخلەمیا خەلكێ مە هەیە،ئەڤجا ئەگەر ساخلەمیا خەلكێ بۆ وان گرنك بت بلا پێداچۆنێ د پاقژكرنا پرۆژێ ئاڤ ڤەخوارنێ ل خانكێ بكن.
لدۆر ڤێ كێشێ سەرۆكێ باژێرڤانیا خانكێ ئەندازیار(حەموود غەربی حەسەن)گۆت:چەندین جارا مە ل راگەهاندنێ بەحس كریە كو ئەگەرێ سەرەكی یێ پرۆژێ ئاڤا خانكێ دزڤرت بۆ كەمترخەمیێ،چنكو نەیا رۆژەكێ یە بەلكو ئەڤ پرۆژە دەمەك درێژە پیسبووی لەوا ئاڤا پیس دگەهتە خەلكێ مە،هەولداینە و پێشنیار كریە ئاڤا خانكێ ژ پرۆژێ خراب دێمێ بگەهتە مە هەتا پرۆژێ ئاڤا خانكێ سافی دبت نهۆ كار لسەر یێ دئێتە كرن،دیسان یا فەرە دوڤچۆن لسەر كارێ رۆژانە یێ پرۆژێ ئاڤ خانكێ بێتە كرن و خەلكێ خانكێ پتریا وان هەموو نكارن رۆژانە ئاڤێ بگرانی بكرن و كاربینن یان ئامیرا بكرن،ئاڤا خانكێ یا پیسە لەورا ژی نەخۆشی تایبەت لڤی دەمی دا ل نك خەلكێ پەیدا دبن.
تُتاح هذه الصورة أيضا في: کوردی