رێكخراوهك هاریكاریێ دگههینته خێزانێن ل ناڤا شنگالێ دا
باسنيوز:
رێكخراوا ئاژانسا كۆچبهران بۆ ئێكهمین جار هاریكاری گههاندنه نێزیكى 600 خێزانێن ل ناڤا شنگالێ دا دژین و ئهو خێزانێن ل گوندێن دهوروبهرى قهزایێ دا. بۆردێ كارۆبارێن مرۆڤایهتى ژى د ههمان دهم دا گازا سپى ل سهر ئاوارهیێن شنگالێ یێن ل كهمپێن دهۆكێ دا دابهش دكهت.
رێكخراوا ئاژانسا كۆچبهران (IOM) یا ب سهر نهتهوهیێن ئێكگرتى ڤه رادگههینیت، ب پشتهڤانیا وهزارهتا دهرڤه یا ئهمریكا ، رێكخراوا (IOM) رابوویه ب گههاندنا هاریكاریان بۆ 600 خێزانێن ل ناڤا شنگالێ دا دژین و ئهو خێزانێن ل گوندێن دهوروبهرى قهزایێ دا. ئهو هاریكاریه د پێكهاتى بوو ژ كهل و پهلێن نافمالێ و هاریكاریێن دراڤى، ب تایبهت بۆ وان خێزانێن خانیێن وان د دهستێ رێكخراوا تیرۆرستى یا داعش دا هاتینه تالانكرن.
بۆردێ كارو بارێن مرۆڤایهتیBRHA ژی دهست ب پرۆسێسا بهلاڤكرنا گازا سپی كر ل سهر ئاواران ل ناڤ كهمپان ل سنورێ پارێزگهها دهۆكێ.
شڤان عیسا بهرپرسێ لژنا بهلاڤكرنا گازێ ل بۆردێ كارو بارێن مرۆڤایهتى بۆ (باسنیوز) دیار كر، پرۆسێسا بهلاڤكرنا گازێ ژلایێ رێڤهبهریا كۆچ و كۆچبهران و ب ههڤكاری و سهرپهرشتیا بۆردێ كارو بارێن مرۆڤایهتی كارگیریێن كهمپێن ئاواران دهێته بهلاڤكرن، دیسان ئاماژه دا كو ههر سهرۆك خێزانك دێ ٤٠ لێتران وهرگریت و پرۆسێسه ل كهمپێن (داودیێ، بیرسڤێ 1 و 2) ب دۆماهی هات و یا بهردهوامه ههتا ل سهر ههموو كهمپێن ئاواران ل سنورێ پارێزگهها دهۆكێ بهێته بهلاڤكرن.
تُتاح هذه الصورة أيضا في: کوردی