سترانبێژەكی شنگال:دڤێت سترانێن فلكلۆری یێن كوردی وەندا نەبن
تۆرا لالش یا راگەهاندنێ
سترانبێژ و تەمبورڤان( خێری خودێدا)بەرنیاسە ب خێری شنگالی خویاكر،گۆتنا سترانێن فلكلۆری ل شەهیان وسەر سالان بوویە ئەگەرەك بۆ حەز ژێكرنا من بۆ ڤی كاری و گۆتنا سترانێن فلكلۆری رێیەكا بۆ ساخكرنا سترانێن فلكلۆری یێن كوردی داكو وەندا نەبن.
شنگالی د دیدارەكێ دا بۆ رۆژناما دەنگێ لالش دیاركر، ل سالا(1999)ێ دەست هاڤێتیە كارێ هۆنەری یێ تەمبوور و ستران گۆتنێ كارەكی خۆشە و یێ ب زەحمەتە ژی و بنەمالا مە ژی بەهرا پتر سترانا دبێژن وەك فەقیر میرزا بابێ سەباح،هەروەسا گۆتنا سترانێن فلكلۆری ل شەهیان وسەر سالان بوویە ئەگەرەك بۆ حەز ژێكرنا من بۆ كارێ ستران بێژیێ و حەز ژێكرنا من ئەو بوو گۆتنا سترانێ رێیەكا بۆ قورتالكرنا وەندانەبوونا فلكلۆری و پشتەڤانیا مەردان دكت بۆ مكومبوونا وان لبەر سینگێ زۆرداریێ،پاش هێدی هێدی فێربوومە ژەنینا كەمانێ وعودێ و لگەل سترانبێژان (ئسماعیل رەشۆ،زێدان شنگالی،ئسماعیل قیرانی) ستران گۆتینە و دوو كلیب لسەر شنگال هەنە ژ پەیڤ وئاوازێن من بخۆنە،زێدەباری چەند سترانێن دیتر بەرهەڤ كرینە لسەر شنگال وفەرمانێ و ئێخسرا و ڤیان وئەڤینیێ وغوربەتێ وزۆری و زۆرداریێ،بەلێ مخابن دەستێ هاریكاریێ نینە.
گۆتژی نهۆ بەرهەڤیان دكەم بۆ چێكرنا سترانەكا نوو،ئەو ژی ب ستایلێ نهۆیە ژبەر داخوازی ل شەهیان پتر لسەرهەیە،لێ ئەگەر پشتەڤانی و هاریكاری هەبا دا پتر سترانا لسەر ڤێ رەوشا ئێزدیان و فەرمانێ را چێكەم.
ل داویێ گۆت:ل گەلەك فیستەڤالان دا پشكداربوویمە و ل سالا(2013)ێ ل بەغدایێ پشكداری فیستەڤالەكێ بووم و باوەرناما تەمبوورێ ژ ئالیێ وەزارەتا رەوشەنبیری ڤە ب من هاتە بەخشین.
تُتاح هذه الصورة أيضا في: کوردی