100 خێزانێن ئاوارێن شنگالێ ل سێمێلێ ژ هاریكاریان بێ بەهرن
تۆرا لالش یا راگەهاندنێ
ل كۆمەلگەها تەناهی سەر ب قەزا سێمێلێ ڤە پتر ژ(100)خێزانێن ئاوارێن شنگالێ دكاڤلان دا دژین،ماوێ نێزیكی سالەكێ یە چ هاریكاری بۆ نەهاتینە دابینكرن و ژ گەلەك تشتان بێ بەهرن.
ئاوارا ئێزدی(بەسێ قرۆ) دیاركر،ئەڤە نێزیكی چار سالێن ئاوارەبوونێ ئەم ل كۆمەلگەها تەناهی دژین هەردوو سالێن دەستپێكا ئاوارەبوونێ لڤێدەرێ خزمەتەكا مەزن بۆ ئاواران دهاتە پێشكێشكرن بەلێ نهۆ نێزیكی سالەكێ یە چ هاریكاری بۆ مە نەهاتیەكرن چ ژلایێ رێكخراوا یان ژ هەر لایەكی دی ڤە بت،هەروەسا ئەرزاق بۆ ڤی خەلكی نائێتە دان و ژ دراڤێ هەیڤانە بۆ ئاوارێن دەڤەرێن دی دئێتە پێشكێشكرن دبێ بەهرین.
ژ ئالیەكی دی ڤە ئاوارە(عادل كچۆ)گۆت:ل كۆمەلگەها تەناهی پتر ژ(100)خێزانێن ئاوارێن شنگالێ دژین ئەڤە نێزیكی چار سالانە گلی و گازندا ژ كێمیا پێتڤیێن ژیانا رۆژانە دكن،ب مخابنی ڤە هەتا ئیرۆ حكومەتا عێراقێ چ هاریكاری بۆ ڤان ئاواران نەكرینە،لەوا داخوازێ ژ جیێن شۆلەژێ دكەین هاریكاریا ڤی خەلكێ هەژار بكن.
ژبال خۆڤە ئاوارە(سەعید حەسەن)دبێژت:ئەم ئاوارێن خەلكێ شنگالێ دكاڤلان دا ل كۆمەلگەها تەناهی ئاكنجی نە و ژ گەلەك تشتان بێ بەهرین كو ئەڤە دوو سالە ئەرزاق لسەر ڤان ئاواران نەهاتیە دابینكرن و قوتابخانا ژ مە یا دوورە و نكارین زارۆكێن خۆ فرێ كەینە قوتابخانێ و دەزگەهێن خێرخوازی سەرەدانا مە دكن لێ چ هاریكاری بۆ مە نەهاتیەكرن.
تُتاح هذه الصورة أيضا في: کوردی