ئێزدی دخوازن كەسێن پەیوەندی دگەل داعش هەین بێنە دادگەهكرن
تۆرا لالش یا راگەهاندنێ
مامۆستا و چالاكڤانێن ئێزدی یێن خەلكێ شنگالێ ئاماژێ ب وێ چەندێ ددەن كو ژبەر نەبوونا ئێمناهی و ئارامیێ ئاوارێن شنگالێ ڤەناگەرنە سەر مال و ملكێ خۆ ڤەیە و باوەری ب حكومەتا عێراقێ نینە،دخوازین ئەو كەسێن پەیوەندی دگەل داعش دا هەین بێنە دادگەهكرن.
(سەلاح شنگالی) مامۆستایەكی ئاوارەیێ شنگالێ یە دیاركر،ئەم وەكو خەلكێ شنگالێ ڤەنەگەریاینە جیێن خۆ ژبەركو هەتا نهۆ ئارامی و سەقامگێری ل دەڤەرێن مە نینە و دەڤەرا شنگالێ پێتڤی ب پاراستنا نێڤ دەولەتی یە چنكو مە باوەری ب حكومەتا عێراقێ نەمایە،هەروەسا دخوازین ئەو كەسێن پەیوەندی دگەل داعش هەین و بووینە ئەگەرێ كۆمكوژیا ئێزدیان ب زووترین وەخت ب رێیا یاسایێ بێنە دادگەهكرن و دەست ب ئاڤەدانكرنا دەڤەرێ بێتە كرن و خەلك بێتە قەرەبووكرن،هیڤی و ئۆمێدێن مە جارەكا دی ڤەگەرنە سەر جی و وارێن خۆڤە.
هەروەسا چالاكڤانێ ئێزدی(ئەنوەر ئەلداود) ئاشكەراكر،ل دەمێ كۆنترۆلكرنا دەڤەرا شنگالێ لسەر دەستێ هێزێن پێشمەرگەی وی دەمی رۆژانە رێژەكا مەزن یا خەلكێ شنگالێ ڤەدگەریانە سەر جی و وارێن خۆ ڤە،لێ پشتی ڤەكێشانا هێزا پێشمەرگەی و ب تایبەتی فەرمان دا شنگال و هاتنا هێزێن حەشدا شەعبی و سەرەدەریكرنا وان لگەل ئەرەبێن دەوروبەرێن شنگالێ،رێژا ڤەگەریانێ گەلەك كێم بوویە.
تُتاح هذه الصورة أيضا في: کوردی