خۆپیشاندانێن عێراقێ دبەردەوامن
باسنیوز:
خۆپیشاندەرانی باشووری عێراق بەردەوام دەبن لە خۆپیشاندانەکان و لیستی داخوازییەکانیان زیاد دەکەن.
رۆژی چوارشەممە 25/7/2018، لێژنەی هەماهەنگیی خۆپیشاندەرانی پارێزگای زیقار بەیاننامەیەکی دەرکردووە و تێیدا رایگەیاندووە، بەردەوام دەبن لە خۆپیشاندان بۆ داواکردنی مافەکانی خەڵکی باشووری عێراق.
لێژنەکە جگە لە داواکردنی دابینکردنی ئاوی شیرین و کارەبا، داوا دەکەن خزمەتگوزارییە تەندروستییەکان و کەلوپەلەکانی خواردنی بایەعی زیاد بکرێن.
هەروەک لە بەیاننامەکەدا هاتووە، خۆپیشاندەرانی پارێزگای زیقار داوا دەکەن پارێزگارەکەیان و بەڕێوەبەرە گشتییە ”گەندەڵەکان“ی زیقار لەکارەکانیان دوور بخرێنەوە.
لە ناوەڕاستی مانگی 7ـی 2018ـەوە، هاووڵاتییانی بەسرە و دواتریش شارەکانی دیکەی باشووری عێراق دژی نەبوونی خزمەتگوزارییەکانی ئاوی شیرین و کارەبا خۆپیشاندان دەکەن.
بەهۆی بەکارهێنانی توندوتیژی لەلایەن هێز و میلیشیا عێراقییەکانیشەوە، تا ئێستا زیاتر لە 750 خۆپیشاندەر کوژراون و بریندار بوون، جگە لە دەستگیرکرانی سەدانی دیکە.
تُتاح هذه الصورة أيضا في: کوردی