ئهمریكا پشتهڤانیا خوه بۆ مهرجێن كوردان یێن پشكدارییا حكومهتا ئیراقێ راگههاند
WAAR-دهۆك:
ویلایهتێن ئێكگرتی یێن ئهمریكا، پشتهڤانییا خوه بۆ مهرجێن كوردان یێن پشكدارییا حكومهتا ئیراقێ راگههاند و دیار كر، رۆلێ ههرێما كوردستانێ د پێكئینانا حكومهتا ئیراقێ دا، ئێكلاكهره.
ئهڤرۆ ل بارهگههێ بارزانی ل پیرمامێ، سهرۆك مهسعوود بارزانی، پیشوازی ل برێت مهكگۆرك هنارتیێ تایبهتێ سهرۆكێ ئهمریكا بۆ شهرێ دژی داعشێ و ستیڤ ڤاگن، كونسولێ نوو یێ ئهمریكا ل ههولێرێ كر و مهكگۆركی، رۆلێ سهرۆك بارزانی و ههرێما كوردستانی د پرۆسهیا سیاسی یا ئیراقێ و شهری دژی داعشێ دا ب ئێكلاكهر و گرنگ ناڤ كر.
ههروهسا راگههاند، ئهمریكا پشتهڤانا ههرسێ مهرجێن ههرێما كوردستانێ یێن پشكداریێ د حكومهتا ئیراقێ دایه كو خوه د ههڤپشكی و رێككهفتن و ههڤسهنگیێ دا دبینیت.
سهرۆك بارزانی ژی، پێكئینانا حكومهتا ئیراقێ لبن سیبهرا وان سێ مهرجان و دانانا دهمهكێ دهستنیشان كری بۆ بجهئینانا وان مهرجان ب گرنگ ناڤكر.
نوونهرێ سهرۆك ئهمریكا، پشتهڤانییا بهردهواما وهلاتێ خوه بۆ ههرێما كوردستانێ دوپات كر و دیار كر، دروستكرنا مهزنترین كونسولخانهیا ئهمریكا ل ههولێرێ، نیشانا پاشهرۆژهكا درێژ یا هاریكاریێ یه د ناڤبهرا ههردو ئالییان دا.
تُتاح هذه الصورة أيضا في: کوردی