حهشدا شهعبی ژ مووسل و شنگالێ دێ ب تهمامی هێت ڤهكێشان
WAAR-دهۆك:
جێگرێ سهرۆكێ دهستهیا حهشدا شهعبی ئهڤرۆ فهرمان دا حهشدا شهعبی ژ سێ بهرهیێن سنۆرێ پارێزگهها نهینهوا بهێن ڤهكێشان، لیوا چل ژی ب تهمامی ژ شنگالێ بهێت ڤهگوهاستن.
ل گۆری نڤیسارهكا فهرمییا دهستهیا حهشدا شهعبی كو دانهیهك بۆ وار هاتییه: فهرماندارییا بلندا حهشدا شهعبی فهرمانا ههلوهشاندنا سێ بهرهیان ل رۆژئاڤا و رۆژههلاتا نهینهوا دایه و ئهو فهرمان ژبۆ فهرماندارییا ئۆپهراسیۆنێن بێجی ژی هنارتییه.
جهمال جهعفهر ئال ئیبراهیم، جێگرێ سهرۆكێ دهستهیا حهشدا شهعبی ژی دیاركرییه، لیوا چل یا حهشدێ ب تهمامی دێ ژ شنگالێ هێت ڤهكێشان و ژبۆ جهێ وان یێ پێشتر سپایكهر هێن ڤهگوهاستن.
فهرمانا دهستهیا حهشدا شهعبی ئاماژه ب پێدڤییا ڤالاكرنا تهڤاهییا مووسلێ ژ چهكدارێن حهشدێ كرییه، ههروهها دیاركرییه، حهیدهر عهبادی سهرۆكێ وهزیران و فهرماندارێ هێزێن چهكدارێن ئیراقێ راسپارده ژبۆ وێ بریارێ داینه.
ژ ئالیێ خوه ڤه، ئهبو مههدی موههندس، فهرماندارێ حهشدا شهعبی ژی ئهڤرۆ بڕیارا دائێخستنا ههموو بنگههێن سهبازی و ئابووری یێن حهشدا شهعبی ل مووسلێ دهركرییه.
تُتاح هذه الصورة أيضا في: کوردی