فەرماندارەکێ پێشمەرگەی: رەوشا کەرکووکێ ب ڤی رەنگی نابیت
WAAR-دهۆك:
فەرماندارێ بەرەیێ رۆژئاڤایێ کەرکووکێ بەردەوامییا دانوستاندنێن هەولێر و بەغدا ل سەر رەوشا کەرکووکێ راگەهاند و دیار کر؛ رەوشا کەرکووکێ دێ هێتە گوهۆڕین.
نووری حەمە عەلی، فەرماندارێ بەرەیێ رۆژئاڤایێ کەرکووکێ د پێگەهێ خوە یێ فەیسبووکی دا راگەهاند ؛ پێشڤەچوونێن باش د دانوستاندنێن هەولێر و بەغدایێ دا هاتینە کرن، رەوشا کەرکووکێ ب ڤی رەنگی نامینیت.
وی فەرماندارێ پێشمەرگەی ئاشکرا ژی کر؛ مزگینیێن خوەش بۆ خەلکێ کەرکووکێ د رێ دانە و بەرهەمێ دانوستاندنێن هەولێر و بەغدا پشتی بهێنڤەدانا جەژنێ دێ دیار بیت.
ل دەمێ پێشمەرگە ل ناڤا کەرکووکێ، رەوشا وێ پارێزگەهێ تا رادەیەکێ باش ئارام بوو، لێ پشتی شازدەی ئۆکتۆبەرێ و هێرشێن حەشدا شەعبی و سوپایێ ئیراقێ، رەوشا وێ تێک چوویە.
تُتاح هذه الصورة أيضا في: کوردی