هەڤپهیمانیا سائیرون: ئەم نێزیکی كورد و سونییاینە و دێ مەزنترین كوتلا پەرلەمانی راگەهینین
ئەڤرۆ نیوز:
هەڤپهیمانیا سائیرون ب سهركرداتیا موقتهدا سهدری راگەهاندیە، کو سهركهفتنا بزاڤێن وان بۆ پێکئینانا مەزنترین كوتلا پهرلهمانی، نێزیكه و هەروەسا مالكی و عامری مەزنترین كوتله پێكنهئینایه.
ئهیمهن شەمهری سهركردهکە ل هەڤپهیمانیا سائیرون بۆ ،بهغداد ئهلیهوم گۆتیە، دهنگۆیێ پێكئینانا حوکمهتێ ژ لایێ هەڤپهیمانیا فهتح و دهولەتا قانوونێ راست نینه، بهلكو پشکەکە ژ شەرێ راگههاندنێ، هەتاکو نوکە چوونا هێزێن كوردی و سونیان بۆ ناڤ چو هەڤپەیمانیان ئێکلانەبوویە.
ئهو سهركردێ سائیرون دبێژیت ژی، چهند لیژنێن هەڤپەیمانیا وان ل گەل هێزێن كوردی و سونییاندا د دانوستاندنێ دانه و دبێژیت، گوتۆبێژ د ئهرێنی نە.
شەمهری گۆت ژی، كورد و سوننه نێزیكن ل سائیرون و هەڤرانە ل سەر گەلەک بابەتێن گرنگ ل گەل وان.
هەروەسا دیارکریە ژی پشتی ئیکگرتنا ههر ئێک ژ هەڤپەیمانیێن سائیرون، حیكمه، نهسر و وهتهنیه، مانایا هندێ یه کو پێكئینانا مەزنترین كوتله ئێكلابوویە و بۆ وان و ئەو دێ حوکمهتێ پێكئینن، پشتی جهژنێ ژی دێ مەزنترین كوتلا پهرلهمانی راگەهینن، هەروەسا د نوکە دا گفتوگۆ ل گهل هێزێن دیتر د بهردهوامن بۆ هاتنا ناڤ رێزێن ڤێ كوتلا مەزن.
تُتاح هذه الصورة أيضا في: کوردی