قۆناغا سێیێ یا نووژەنكرنا پەرستگەها لالش دەست پێ كر
تۆرا لالش یا راگەهاندنێ
ب بریارا میرێ ئێزدیان (میر تەحسێن بەگ) دەست ب نووژەنكرنا پەرستگەها پیرۆزا لالش هاتیە كرن،نهۆ دەست ب قۆناغا سێیێ هاتیە كرن و ب بەرێ كەڤن دئێتە نووژەنكرن كو كەڤناتیا لالش وەك بەرێ بێتە دیاركرن ڤە.
بەرپرسێ نڤیسینگەها لالش ل پەرستگەها لالش(لوقمان سلێمان)بۆ رۆژناما دەنگێ لالش راگەهاند، ب بریارا میرێ ئێزدیان گهۆرێن دلالش دا بێنە كرن و بەریا چەند رۆژان قۆناغا سێیێ یا نووژەنكرنا پەرستگەهێ دەست پێ كر،كو ل شوونا بلۆك و چەمەنتۆیێ بەرێن كەڤنار یێن تایبەتن ژ گوندێن ئێزدیان تێنە بكارئینان و جی نائێنە گهۆرین و نیشان ل جیێ خۆ دێ مینن كو وەك بەری لالش یا چاوا بوو هۆسان بێتە دیاركرن و بابێ شێخ و بابێ چاویش چەند ئەندازیار دەست نیشانكرینە ب سەرپەرشتیا وان كار دئێتە كرن و چەند خلمەتكار ژ هەموو دەڤەرێن ئێزدیان بێ بەرامبەر تێدار كار دكن،دووپاتكر ژی كو كوژمێ دراڤی یێ بۆ هاتیە مەزاختن ژلایێ جڤاتا رۆحانی و خێرخوازێن ئێزدیان بوویە.
ئاشكەراكر ژی كو زانایێ ئۆلی بابا چاویش گۆتیە چەند دراڤ هەبت دێ بەردەوام بین لسەر نووژەنكرنێ وگهۆرینان ل لالش،داكو وەك بەرێ ب زڤرتە ڤە و كەڤناتیا وێ بێتە دیاركرن و پیرۆزیا وێ ل جیێ خۆ بمینت.
تُتاح هذه الصورة أيضا في: کوردی