جڤاتا رۆحانیا ئێزدیان 23 ملیۆن دینار لسه‌ر كه‌سێن نه‌خۆش دابه‌شكرن
باسنيوز:
ژ پێخه‌مه‌ت خزمه‌تكرنا كه‌سێن نه‌خۆش یێن كوردێن ئێزدى، جڤاتا رۆحانیا ئێزدیان 23 ملیۆن دینار ل سه‌ر نه‌خۆشێن كوردێن ئێزدى دابه‌شكرن.
كه‌ریم سلێمان، ئه‌ندامێ ده‌سته‌یا جڤاتا رۆحانیا ئێزدیان، بۆ (باسنیوز) دیار كر: ”ئه‌و ب ئه‌ركێ خزمه‌تكرنا 88 نه‌خۆشێن كوردێن ئێزدى رابووینه كو ئه‌ڤه چه‌ند ساله‌ك بوو نه‌خۆش كه‌فتبوون و نه‌شیان چاره‌سه‌ریا خوه بكه‌ن و ژ به‌ر ڤێ چه‌ندێ وان 23 ملیۆن دینار ل سه‌ر وان 88 نه‌خۆشان دابه‌شكرن و چاره‌سه‌ریا وان هاته كرن و ئه‌ڤ پاره ژ سندوقا خێرێن میرێ ئێزدیان (میر ته‌حسین به‌گ) هاتینه دابینكرن“.
ئاشكرا ژى كر، كو ئه‌ڤه نه جارا ئێكێ یه ئه‌ڤ جۆرێ هاریكاریا دهێته كرن، به‌لكو كوردێن ئێزدى یێن پێدڤى ب چاره‌سه‌ریێ هه‌ى، به‌رده‌وام داخوازیێن خوه پێشكێشى جڤاتا رۆحانیا ئێزدیان دكه‌ن و ئه‌و ژى ب ئه‌ركێ خوه دزانن خزمه‌تا وان بكه‌ن.
تُتاح هذه الصورة أيضا في: کوردی