سیروان بارزانی: ههڤپهیمانان داعش ل مهخموورێ بۆمبهباران كر
WAAR-دهۆك:
فرۆكهیێن شهڕكهرێن ههڤپهیمانان، ئهڤرۆ تیرۆرستێن داعشێ ل چیایێ قهرهچۆخ ل سنۆرێ دهڤهردارییا مهخموورێ بۆمبهباران كر و سێ تیرۆرست كوشتن.
سیروان بارزانی سهرپهرشتێ بهرهیێ گوێر مهخموور یێ هێزێن پێشمهرگهی، تایبهت بۆ وار راگههاند؛ ئهڤرۆ نیڤرۆ فرۆكهیێن ههڤپهیمانان، پشتی چاڤدێرییا لڤین و چالاكیێن وان كری، بۆ دهمهكێ درێژ ب رێیا بیست و حهفت بۆمبهیان، بیست جهێن تیرۆرستێن داعشێ ل چیایێ قهرهچۆخ بۆمبهباران كرن.
دا یه زانین ژی د بۆمبهبارانێ دا، سێ تیرۆرستێن داعشێ هاتینه كوشتن و زیانێن مهزنێن ماددی ژی بهر ب تیرۆرستان كهڤتینه.
مهها بووری هێزێن پێشمهرگهی ب ههماههنگییا ههڤپهیمانان، ئۆپهراسیۆنهكا ههڤپشك ل ههمان جهی ل دژی داعشێ كربوو و سهركردهیهكێ بلندێ داعشێ و ژمارهكا تیرۆرستان هاتبوون كوشتبوون و ژمارهیهكا مهزن یا تهرمێن وان د دهست پێشمهرگهی دا مابوون.
تُتاح هذه الصورة أيضا في: کوردی