بنگەهێ لالش جەژنا جەمایێ ل ئێزدیان پیرۆز دكت
ب هەلكەفتا هاتنا جەژنا جەمایێ گەرمترین و جوانترین پیرۆزباهیان ئاراستەی گشت ئێزدیان دكەین و هیڤیخوازن ئەڤ هەلكەفتا ئازیز هەموو بخێرش و خۆشی و ئارامی بكن.
هەروەسا ژ هەموو خوشك و برایان دخوازین یێن دڤێن پشكداری رێورەسمێن ساخكرنا ڤێ جەژنێ ببن دەمێ دچنە پەرستگەها لالش پێگریێ ب رێنمایێن ژ جڤاتا رۆحانی دەركەفتین سەبارەت ڤێ جەژنێ بكن،و پێكڤە كاربكەین ژبۆ بەردەوامیدان بۆ گەهاندنا راستیا مرۆڤێ ئێزدی بۆ رایا گشتی یا جیهانی ب تایبەت رۆمالەكا مەزن یا راگەهاندنێ دێ رێورەسمێن جەژنێ ڤەگوهێزت كو بۆ ماوێ پێنج سالێن بۆری هاتبوو سەكناندن.
بێگۆمان ب هەزاران خێزانێن ئێزدی ژ هەرێما كوردستانێ و دەرڤە دێ سەرا پەرستگەها لالش دەن،و هەموو رەوشا ئێمناهیێ یا ئارام ل هەموو دەڤەرێن هەرێمێ و ژ وان دەڤەرێن ئێزدیان و پەرستگەها لالش دێ ب چاڤێ خۆبینن،و ئەڤ ئارامیە ژبەر قوربانیدانا پێشمەرگێن قارەمان و هشیاریا وان و وەفاداریا گەلێ كوردستانێ و سەركردایەتیا وێ یا حەكیمانە،وسەر مە سوپاسیێن خۆ پێشكێشی دەزگەهێن ئێمناهیێ یێن پلان بۆ پاراستنا ئێمناهیا گەشتیاران ل رۆژانێن جەژنێ دا.
بڤێ هەلكەفتێ دووپات دكەین كو پێتڤیە پێكۆلێن خۆ زێدەتر بێخنە كاری و كار ژبۆ قورتالكرنا دۆرێن سێ هەزار گرتیان ژ خەلكێ خۆ یێ شنگالێ یا وێرانكری بكەین،و دۆسەیا گرتیان رەت دكەین كو هەر ئالیەك بكاربینت،چنكو گرتی دۆسەیەكا مە یا مەزنن و دێ هەموو پێكۆلێن خۆ كەین بۆ قورتالكرنا وان ئەوێن هەتا نهۆ ماین و كەس و كارێن وان چاڤەرێ ڤەگەرا وانن.
هەر سال بخێر و خۆشی بكن
دەستەیا بلندا بنگەهێ لالش یێ رەوشەنبیری و كۆمەلایەتی/دهۆك
5/10/2018
تُتاح هذه الصورة أيضا في: کوردی