ئامارا رزگاربوویێن ئێزدی ژ دەست داعشێ هاتە راگەهاندن
تۆرا لالش یا راگەهاندنێ
نڤیسینگەها رزگاركرنا رەڤاندیێن ئێزدی ل پارێزگەها دهۆكێ،داوی ئامارا رزگاربوویێن ئێزدی ژ دەست داعشێ راگەهاند.
بەرپرسێ نڤیسینگەها رزگاركرنا رەڤاندیێن ئێزدی ل پارێزگەها دهۆكێ(حسێن قائیدی)بۆ رۆژناما دەنگێ لالش ئاشكەراكر،:ب رێیا نڤیسینگەهێ هەتا نهۆ(3331)گرتیێن ئێزدی ژ دەستێ داعشێ هاتینە رزگاركرن،ژوانا(337) زەلام و (1159) كچ و ژنن و یێن دی ژی زارۆكن ژ هەردوو رەگەزان و گۆت:((مە زانیاری پێزانین یێن هەین كو گەلەك ژ كەس و كارێن مە یێن گرتی ل وان دەڤەرێن ل بن دەستێ داعشێ دا ل وەلاتێ سوریا نە و تیمێن مە بەردەوامن لسەر كارێ خۆ بۆ رزگاركرنا گرتیێن ماین)).
قائیدی خویاكر،لگۆر بریارا نێچیرڤان بارزانی سەرۆكێ حكومەتا هەرێما كوردستانێ نڤیسینگەه دێ بەردەوام بت لسەر كارێ خۆ هەتا هەموو ئێزدیێن كەفتینە بن دەستێ داعشێ بێنە رزگاركرن.
تُتاح هذه الصورة أيضا في: کوردی