ئەرەب تاوانێن كوشتنێ ل شنگال دئێخنە ستۆیێ ئێزدیان دا
تۆرا لالش یا راگەهاندنێ
وەلاتیێن ئێزدی ل شنگالێ ئاماژێ ب وێ چەندێ ددەن كو چ جارا تێكەلیا دناڤبەرا ئێزدیان و ئەرەبان دا نازڤرتە ڤە،ئەو تاوانێن كوشتنێ ل شنگال ئەنجام ددەن و دئێخنە ستۆیێ ئێزدیان دا گۆمان ژ وان نەئێتەكرن.
(حسێن عەلی) وەلاتیەكی خەلكێ شنگالێ یە بۆ رۆژناما دەنگێ لالش دیاركر،هەر چەندە ئەرەبا گەلەك تاوان ل هەمبەر ئێزدیان ئەنجام دان،بــەلێ ئێزدی وەك خەلكەكی ئاشتیخواز دووبارە پەیوەندیێن جڤاكی دروست دكن بەلێ ڤێ جارێ گەلەك ب زەحمەتە ژبەركو وان دەستدرێژی كرە سەر شەرەف و ناموسا ئێزدیان،كوشتنا ئەرەبا ل شنگال نە نیشانا هندێ یە كو ئێزدیان ئەو كوشتبن بەلكو دوژمناتی و ململانێ و نەوەكهەڤی دناڤبەرا وان بخۆ دا هەیە و چێدبت روودانێن كوشتنێ ل شنگال چێببن داكو بكەفتە ستۆیێ ئێزدیان و گۆمان ژ وان نەئێتەكرن.
هەروەسا وەلاتی(قەوال عەلی) بۆ رۆژناما دەنگێ لالش گۆت:چ جارا ئەو تێكەلیا دناڤبەرا ئێزدیان و ئەرەبان دا نازڤرتە ڤە ژبەركو ئەو دگەل دوژمنێ ئێزدیان بوون و ئەوان پێكڤە هێرش ئینا سەر شنگال و تاوانێن دژی مرۆڤایەتیێ ئەنجام دان،بەلێ نابت ئەرەب ئێزدیان ب هەر روودانەكا ل دەڤەرێ چێدبت تاوانبار بكن و بۆ خۆ ب دەرفەت ببینن.
تُتاح هذه الصورة أيضا في: کوردی