كچەكا رزگابوویا ئێزدى ژ دەستێ داعش ژیانا ھەڤژینیێ پێك ئینا
باسنيوز:
رۆژنامەڤانەكێ ئێزدی بناڤێ (ماهر شنگالێ) ژیانا هەڤژینی دگەل كچەكا رزگاربوویا دەستێ تیرۆرستێن داعش پێك ئینا.
ماهر شنگالێ، رۆژنامەڤانی ئێزدی بۆ (باسنیوز) دیار كر: “پشتی كچەكا ئێزدی بناڤێ (ڤیان) بۆ ماوێ سالەكێ مایە دەستێ رێكخراوا تیرۆرستێن داعش و هاتیە ررزگاركرن، مە ب فەر دیت وەكو گەنجەكی ئێزدی ژیانا هەڤژینیێ دگەل وێ كچا ئێزدی پێك بینم چونكو ژمێژەیە من سۆز دایە ئەز دگەل كچەكا رزگاربوویا ئێزدی ژیانا هەڤژینیێ پێك بینم وەكو بەرسڤەك بۆ دوژمنێن مرۆڤایەتی. وان كەسێن دبێژن ئێزدی كچێن خوە یێن رەڤاندی نەحەوینن، ئەڤە نیشانا وێ یە هەموو ئێزدی كچێن خوە دحەوینن وگەلەك گەنجێن دی ژی گەل كچێن رزگاربوو ژیانا هەڤژینیێ پێك ئیناینە”.
خویا ژی كر:” دەمێ ئەڤ كچا ئێزدی (ڤیان) ژدەستێ تیرۆرستێن داعش رزگاربووی، من سۆز دا گەل وێ بم. هێدی هێدی ئەز وئەو گەهشتنە هیڤیێن خوە یێن پاشەرۆژی مە خێزانەكا نوو دگەل ئێك ئاڤاكر”.
ل جینوسایدا شنگال پتر ژ 6417 كەسێن ئێزدی ژهەردوو رەگەزان هاتنە رەڤاندن. هەتا نۆكە نڤیسینگەها رزگاركرنا رەڤاندیێن ئێزدی یا سەر نڤیسینگەها سەرۆكێ حكومەتا هەرێما كوردستانێ ڤە پتر ژ 3334 كەس ژ دەستێن تیرۆرستێن داعش رزگاربووینە. گەلەك گەنجان ژیانا هەڤژینیێ دگەل كچێن رزگاربوو پێك ئینایە و هێشتا چارەنڤیسێ سێ هزار كەسێن دی دیار نینە.
تُتاح هذه الصورة أيضا في: کوردی