بارزانی بۆ پهڕلهمانتارێن پارتی: ل شوونا موزایدان خزمهتا خهلكی بكهن
WAAR-دهۆك:
سهرۆك مهسعوود بارزانی ل گهل فراكسیۆنا پارتی ل پهرلهمانێ كوردستانێ كۆم بوو و راگههاند؛ پێدڤییه پهرلهمانتارێن پارتی خوه ژ موزایدهیێن سیاسی دووربێخن و د خزمهتا خهلكێ كوردستانی دا بن.
سهرۆك مهسعوود بارزانی ئهڤرۆ ل پیرمام، د گهل فراكسیۆنا پارتی یا پهرلهمانێ كوردستانێ كۆم بوو و رهوشا ههرێم و ئیراقێ و دهڤهرێ شرۆڤه كر و چهوانییا كركرنا فراكسیۆنا پارتی و هێلێن گشتی یێن سیاسهتا پارتی ل ههرێم و ئیراقێ بۆ پهرلهمانتارێن پارتی روون كرن.
بارزانی بهحسێ سهركهفتنا مهزن یا پارتی د ههردو ههلبژارتنێن ههرێم و ئیراقێ دا كر و گۆت: سهرباری ههموو كێشه و فشاران، لی گهلێ كوردستانێ پارتی كره سهركێش و باوهرییا خوه دا پارتهكا كوردستان پهروهر.
بارزانی داخواز ژ پهڕلهمانتاران كر، سوزا خوه یا ل گهل خهلكی نهشكێنن و خوه ژ موزایدهیێن سیاسی دووربێخن و د خزمهتا خهلكێ كوردستانی دا بن.
تُتاح هذه الصورة أيضا في: کوردی