پارتی نێچیرڤان بارزانی بۆ سهرۆكاتییا ههرێمێ بهربژار كر
WAAR-دهۆك:
جڤاتا سهركرداتییا پارتی دیمۆكراتی كوردستان ئهڤرۆ كۆمبوو و بهربژارێن خوه بۆ پۆستێن سهرۆكێ ههرێما كوردستانێ و سهرۆكێ وهزیران دهستنیشان كرن.
جڤاتا سهركرداتییا پارتی ئهڤرۆ ب سهرپهرشتییا سهرۆك بارزانی كۆمبوو و بریار دا، نێچیرڤان بارزانی جێگرێ سهرۆكێ پارتی بهربژارێ پۆستێ سهرۆكێ ههرێما كوردستانێ بیت، ههروهها مهسروور بارزانی، ئهندامێ مهكتهبا سیاسییا پارتی، بهربژارێ سهرۆكێ حكومهتا ههرێمێ بیت.
جڤاتا سهركرداتییا پارتی د كۆمبوونا خوه دا، شێوازێ پێكئینانا حكومهتێ گۆتوبێژ كر و راگههاند؛ كۆمیتهیهك هات پێكئینان و ل دهمهكێ نێزیك دێ دانوستاندنێن دگهل ئالییان دهست پێ كهن.
پارتی وهكو سهركهفتییا ئێكێ یا ههلبژارتنێن پهڕلهمانێ كوردستانێ، بهرییا دو حهفتییان ب كۆمبوونا د گهل ئێكهتیێ و گۆڕانێ ل سلێمانیێ، دهست ب دانوستاندنێن پێكئینانا حكومهتا نوو یا ههرێمێ كرییه.
تُتاح هذه الصورة أيضا في: کوردی