ژن بخۆ ئەگەرێ نەبوونا ماف و دەستهەلاتێ د جڤاكی دایە!!!
خێرهات بێدرڤان
ئەگەر ئەم بەرێ خۆ بدەینە بتریا كچا یان ژنان دناڤا جڤاكی دا تایبەت ئێزدیان نەبوونا ماف و دەستهەلاتا وێ ژ وێ دەست پێ دكت،بەلكی ل ڤێدەرێ ببتە جیێ پرسیارێ (چما ئەگەر ژنە ؟) و دبت گەلەك رەخنێ ل بۆچۆنا من بگرن و من ب شاش دانن، مافێ وانە من ب شاش دانن ژبەر ژنان گشتان دڤێن ببن خودان ماف و بریار و كەس ب هەبوونا مافێ خۆ دل نەخۆش نابت،بەلكو جیێ كەیف خۆشیا هەر ژنەكێ و كچەكێ یە،لێ ئەگەر ئەم بێنە سەر بابەتی و بەرسڤەكێ بدەینە وێ پرسیارێ دراستی دا ژن ئەگەرە ژبەركو یا لبەر دەرگەها دروونتە خوارێ ژنن یێ بەحسێ خەلكێ بكت هەر ژنن و یێ ئاخفتنێن بەر دەرگەها دروونشتنا خێزانێ دا ڤەدگوهێزت بۆ مالێ و هەر ئەو ئاخفتنێن بەر دەرگەها هەر ژن دێ بێژت،ب پشت راستی ڤە دەمێ زەلام ژی ل چایخانا درووننە خوارێ چنگ چنگێ ژ چایا خۆ دئینن ئێكی د دبەرا وان ئاخفتنا مالێ وشەڤێ دروونشتنا خێزانێ دا هاتنە گۆتن هەر ئەو ئاخفتنن ڤێجا زەلام و وژدانا خۆ كا وی چەند ئاخفتن پێڤە زێدەكرنە،هەروەسا ئەگەر بەرێ خۆ بدەینێ دەمێ ژنەك كارەكی دكت تایبەت كارەكی پێشكەفتی چ كاركرن ل هەرجیەكی هەبت دەما ژ كچ یان ژنەكا دی نەئێت وی كاری بكت دی مینتە پێڤە و گۆتگۆتكا ڤە،لێ ل شوونا دەمێ خۆ ڤالا دبەن ئەگەر هەر كارەكی تەڤیا لسەر بخوونی باشترین كەسایەتی یێ ژ تە دەركەفتە،ئەگەر توو بێژی مال ناهێلت لێ توو رابی بەحسێ خەلكێ بكەی و بێژی مال ناهێلتە مالا تە دێ هزركن ئەو تشتێ تە لسەر خەلكێ گۆتن توو دێ وان تشتا كەیە ژبەر هندێ ئەڤە ژی ئەگەرێ سەرەكی یێ رێگرتنێ یە ل مافێ تە و تە بخۆ رێ یا ل خۆ گرتی،یا دی ژی ئەگەر مرۆڤی كارەك بڤێت بكت بلا چ جاران نەبێژت مال رێگریێ لمە دكن مالا مرۆڤی چ جارا ماف نادەتە مرۆڤی چ كاران بكت هەتا مرۆڤ بخۆ مافی نەدەتە خۆ،رۆژەكێ ئەم ل خۆلەكا راگەهاندنێ دا دروونشتی بووین كەسایەتیەكا ژن ژی ل وێدەرێ یا ئامادەبوو بۆچۆنا خۆ لدۆر هەر پرسیارەكێ بدەت،كەسەكی پرسیار ژ من كر گۆت توو وەك ژنەك چما پرسیارێ ژێ ناكەی بێژیێ ئایا چما هەتا نهۆ وە لژنەك چێ نەكریە ژنێ هان بدەت كار بكت ؟ من بەرسڤا وێ دا ئایا ئەگەر ئەز ژن بم و من ئەو شیان نەبن دناڤا مالا خۆدا بەرگریێ ژ خۆ بكەم و مالا خۆ رازی بكەم كو من ئەو شیانێن كاركرنێ وێت هەین و دكارم كار بكەم چاوا ژنەكا دی وێ بێت بەرەڤانیێ ژ من بكت،كەواتا ئەگەر مە بڤێت بەرەڤانیێ ژ مافێ خۆ بكن بلا ڤێت ئەم مافێ خۆ بپارێزن و مافی بدەینە خۆ،دیسان ئەگەر بێنە لایەنێ مافێ كچێ د خۆش ڤیان و ئەڤینیێ دا گەلەك جارا كچەك دێ هەبت هەڤالینیا كورەكی كت ژلایەنێ خۆش ڤیانێ ڤە هەزار بێ بەختی یێ ل وێ كچێ دئێنە كرنە و یێ بتە ئەگەرێ ژدەست دانا گەلەك خالێن سەركەفتنێ یێن پاشەرۆژێ و قوربانیا گۆتگۆتكا وئاخفتنێن خەلكی یێن بێ بنەما و راست و مافێ وێ دگەلەك خالادا وێ بێتە خوارن و مالا وی ژی یێ بنە دەستەكە دگەل جڤاكی بۆ ژناڤبرنا خەون و هیڤیێن ڤان جۆرە كچان،پرسەك یا هەی دبێژت(مرۆڤ شوونا دچاڤێ خۆدا نابینت دەرزیا دچاڤێ خەلكێ دا دبینت)،ڤێجا ئەگەر بخێرا خۆ توو هەری بەر خۆدیكێ بەچونەكی بكەی دەربارەی وان شوژنێت دچاڤێ خۆ دا ژنوو هەرە دەرزیێت خەلكێ، مال و خێزانا خۆ ب بپارێزە نەبە مافپارێزێ خەلكی، خودێ عەقل و زمان وێ دایە هەر كەسەكی و ژن ئێكە ژوان كەسا ئەگەر خۆ نە پارێزت چ جارا كەس نكارت وێ بپارێزت و ئەگەر مافێ خۆ نەدا خۆ كەس نكارت مافێ وێ بدەتێ و ئەگەر بێژن ئاخفتنێ خەلكێ ناهێلن باوەربكە ئەگەر ئاخفتنێ خەلكێ بكەنە پێلاڤ توو دێ گەلەك پێ بلند بی و ئەگەر بكەی گولاڤ و دسەرێ خۆ بكەی دێ هەر دبن وی كولاڤی دا یە كند بی رەنگە سەرێ خۆ بلند بكەی ب درستاهی بلنداهیێ ژی نەبینی.
تُتاح هذه الصورة أيضا في: کوردی