خواستا توركیا د هێرشا گەلێ رۆژئاڤا دە
جوان عزت
ل دەستپێكا شەرێن رێكخراوا تیرۆرییا داعش، ئێدی گەلێ كورد راستی قركرنەكا دی هات،ئەو ژی ب سەدان مال و مرۆڤ ژ ناڤچۆن و بوونە قوربانیێ ڤی شەرێ توندو دژوار،بەلێ دئەینی دەمی دە، پشتی كو ل ڤان سالان ئەڤ شەر و ناكۆكیێن پەیدابووین،ئێدی سەر هلدانەك نووخواز دناڤ كوردان دا هلدا،چنكو كوردان ئینكارا وێ یەكێ كر كو ئەو چ جاران دەست ژ دۆز كەدا خۆ بەرنەدەن.
ل ڤێدەرێ ئەوا من دڤێت بگەهینمە خووندەڤانی ئەو ژی مژارەكا دەربارەی بوویەرێن گەلێ رۆژئاڤا لژێر شەرێن دژوار وەكو داعش و هێرشێن توركیایێ بۆ سەر كۆبان و عەفرینێ ئایا كا چەند ئەڤ شەرە بوونە ئەگەرێ بلندبوونا هێزا شەرڤان و دروشمێن نەتەوەیا ڤی گەلی؟،پشتی كو شەرێن تیرۆریا داعشێ خواستی هێرشی كۆبانێ بكت توركیا بوو هاریكار و پشتەڤان دگەل ڤێ رێكخراوا هۆڤانە،ژبەركو ئارمانج و خواستا توركیا ئەو بوو دۆزا كوردان ل ناڤ ببەت ژبەر ڤێ چەندێ ژی چ ژ دەستێ وێ هات ئەنجام دا.بەلێ دەما كو شەر ب داوی هاتی، ئێدی هێزا گەلێ رۆژئاڤا خۆرتر لێ هات،لەورا دەولەتا تورك رابوو دەست ب نژاندنا پلانەكا دی تر كو ئەو ژی هێرشی عەفرینێ بكت داكو گەلێ رۆژئاڤا، ل ژێر دروشمێ دەولەتەكا دیموكرات نەبت خودان ئارمانجا خۆ یا سەرەكی،دەما كو (سالح مسلم) هەڤسەرۆكێ بەرێ یێ پەیەدێ، هاتیە زیندانكرن بەریا چەند رۆژان دمژار و دانوستاندنا تیڤیێ دە ئاماژە دا وێ یەكێ، كو توركیا دخوازت كوردان تونە بكت و دگەل ڤێ یەكێ دیاركر شەرت و مەرجێن توركیا، ئەون كو لسەر ئاخا عەفرینێ سنووران ژبۆ بەرژەوەندێن خۆ دروست بكت،لەورا ژی ئەڤ هێرشە لسەر كوردان بكارئینا.
ل ڤێدەرێ ب هزرا من، كەسێن بووینە خودان پرۆژێن سەركەفتی گەلێ رۆژئاڤا بوویە،چنكو شەرێ كۆبان و عەفرینێ دیاركر كا خواست و ئیرادەیا رۆژئاڤا چەندە و ژبۆ چ ئەڤ بەرخودانە هاتنە ئەنجام دان!، ئەگەر بنێرین لگۆر سیاسەتا توركیا و روسیا، چەندین ئالۆزی و ناكۆكی هەبوونە كو هەتا نهۆ ژی ئەو ناكۆكی دناڤبەرا هەردوو دەولەتان دبەردەوامن،ژبەر ڤێ یەكێ ژی هەلویست و خواستا توركیا ئەوە كو لژێر دروشمێ سیاسەتا روسیا مال و زارۆكێن كوردان بكەتە قوربانیێ ڤێ یاریێ، ژ لایەكێ دی ڤە ژبۆ شكاندن و لاوازكرنا هێزێن توركی،دبت دەولەتێن هەڤدژ هزر دنووكرنا سیناریویەك دی دە كربت،ل هەمبەری هێزا توركیا،چنكو ئەو ناوچەیا عەفرینێ ب سیاسەتا خۆ یا ستراتیژی دبینن لسەر سنوورێن توركیا،بەلێ وەكو یا دیار كو رۆژئاڤا ئیرادەیەكا ب هێزتر و مەزنتر بۆ خودایە چاندن،چنكو ئیرادەبوونا ڤی گەلی، شەرەف،ئاخ وكەرامەتا خۆ ب هیچ شێوەیەكی رادەستی ڤێ یاریێ ناكت،ژبەركو ئەوا رۆژئاڤا هەلبژارتی،لژێر دروشمێ “ئازادی یان مرن” دە یە،ئەڤێ چەندێ ژی ئێدی گەلێن كو خودان هێز و بریار ژی،دانە ترساندن،لەورا سیاسەتا رۆژئاڤا،داپوشەرەكێ ب شەرەف،كەرامەت و فەلسەفەكا ئاڤاكەر نژیاگەر د یرۆكا خۆ دا دایە نڤیساندن.
ل ڤێدەرێ ئەڤ یەكە ژی مە رادەستی چەند پرسیاران دكت،گەلۆ بۆچی جیێ كو رێزدار سالح مسلم بێتە گرتن، نەهات خەلاتكرن ژلایێ دەولەتا چیكی و خێر دەولەت ڤە؟ بۆچی كۆبان و عەفرینێ دەست ژئاخ و خاكا خۆ نەبەردان؟بۆچی دەولەتێن ئەرەبی لسەر ڤێ هێرشێ چ هەلویستێن خۆ نەبوون!یان ژی نەتەوەیێن كو دخواستن هاریكاریا كوردان بكن، دڤی شەرێ دژوار دە نەبوونە هاریكار و پشتەڤان بوو رزگاركرنا گیانێ زارۆك،گەنج و پیرێن ڤێ هێرشێ! واتە، ئەڤە هەموو یا دیارە كو ئەو دەولەتێن نەبووینە خودانێن سۆزەكا هەڤپشك، د گەل گەلێ رۆژئاڤا دە،وان ئیزپاتكر كو رۆژئاڤا دێ بتە خودان سمبوولەكا چاندی و نەتەوەی لسەر پارچەیێن كوردستانێ دە،چنكو پرۆژەیێ كو بوویە چارەنڤیس و خودان بۆ كوردان، پرۆژێ گەلێ رۆژئاڤا بوویە لەورا ژی دەولەتێن خودان هەلویست بێدەنگیا خۆ دووپاتكرن.
ل داویێ گەلۆ چ پێتڤیا توركیا، ب گەلێ رۆژئاڤا ناچاوا عەفرینێ ڤە هەیە؟ دیارە توركیا ژی پلانا خۆ هەیە، كو هەول بدەت ب سیاسەتا خۆ كۆمكوژیەكا دی تر ل دژی گەلێ كورد دووپات بكت،لەورا ژی پێتڤیا كوردان ب هەڤدەنگیا ئازادی و پێكڤەگرێدانا هەلویست و بریارێن دەست ب دەست هەیە،داكو دوژمنێن كوردان بزانن،ل هەردەم و ساتەكێ دە،كورد دخوازن قەهرەمانی و ئێك دەنگیا خۆ ل هەمبەری هێرش و زولما نەیارێن خۆ دیار بكن.
تُتاح هذه الصورة أيضا في: کوردی